ເວັບໄຊ CNN ລາຍງານ ພະຍຸທໍນາໂດພັດຖະຫຼົ່ມເຂດພາກກາງ ແລະໃຕ້ຂອງສະຫະລັດ ໃນຕອນທ່ຽງຄືນຂອງວັນທີ 10 ທັນວາ ເຮັດໃຫ້ອາຄານບ້ານເຮືອນຫຼາຍຫຼັງຖືກພັດທຳລາຍ ໃນນັ້ນມີລາຍງານຜູ້ເສຍຊີວິດຢ່າງໜ້ອຍ 80 ຄົນ.

ອາຄານບ້ານເຮືອນ, ໂຮງຈັກໂຮງງານຫຼາຍແຫ່ງຖືກທຳລາຍ ເປັນຕົ້ນແມ່ນໂຮງງານຜະລິດທຽນໄຂໃນລັດເຄຕັກກີ້, ສາງເກັບສິນຄ້າອາເມຊອນ ໃນລັດອິນລີນອຍທາງພາກຕາເວັນຕົກ, ແລະບ້ານພັກຄົນຊະລາໃນອາຄັນຊໍ ແລະອື່ນໆ ເຊິ່ງໄດ້ຂ້າຊີວິດຜູ້ຄົນໃນແຕ່ລະຊຸມຊົນ ແລະປ່ອຍໃຫ້ຜູ້ປະເຊີນກັບເຫດການຕ້ອງດີ້ນຮົນຊ່ວຍເຫຼືອກັນເອງ.

ມີລາຍງານພາຍຸທໍນາໂດປະມານ 30 ກວ່າລູກ ທີ່ພັດຖະຫຼົ່ມໃນ 6 ລັດຂອງສະຫະລັດອາເມລິກາ ເຮັດໃຫ້ມີຜູ້ເສຍຊີວິດແລ້ວ 80 ກວ່າຄົນ ແລະສູນຫາຍອີກຫຼາຍຮ້ອຍຄົນ ຂະນະທີປັດຈຸບັນ ທາງເຈົ້າໜ້າທີ່ກຳລັງດຳເນີນການຄົ້ນຫາຜູ້ສູນຫາຍໃນພື້ນທີ່ເກີດເຫດ ສຳລັບຜົນເສຍຫາຍແມ່ນຍັງບໍ່ສາມາດປະເີນຄ່າໄດ້.