ໃນຕອນເຊົ້າຂອງວັນທີ 9 ທັນວາ 2021 ທາງເຟສບຸກຂອງ U.S. Embassy Vientiane ໄດ້ລາຍງານວ່າ ສະຫະລັດອາເມລິກາ ຈະມອບວັກຊິນໄຟເຊີ ຈຳນວນ 1,700,000 ໂດສ ໃຫ້ແກ່ ສປປ ລາວ, ໂດຍຜ່ານໂຄງການໂຄແວັກ.
ວັກຊິນໄຟເຊີ ແມ່ນຖືກຮັບຮອງໂດຍອົງການອະນາໄມໂລກ ໃຫ້ສາມາດສັກໄດ້ໃນກຸ່ມຄົນທີ່ມີອາຍຸ 12 ປີຂຶ້ນໄປ. ສະຫະລັດອາເມລິກາ ແລະ ສປປ ລາວ ຮ່ວມກັບຄູ່ຮ່ວມງານໂຄງການໂຄແວັກຂອງພວກເຮົາຄື ອົງການອະນາໄມໂລກ ແລະ ອົງການຢູນີເຊບ ກຳລັງເຮັດວຽກຮ່ວມກັນເພື່ອນຳວັກຊິນນີ້ມາ ສປປ ລາວ ໃຫ້ໄວເທົ່າທີ່ຈະໄວໄດ້.