ສຳນັກຂ່າວ CNN ລາຍງານ ໃຫ້ຮູ້ວ່າ: ທ່ານ ນາງແອງເກລາ ແມເຄີ ນາຍົກລັດຖະມົນຕີເຢຍລະມັນຖະແຫຼງການເມື່ອວັນທີ 2 ທັນວາ ທີ່ຜ່ານມາ ເລື່ອງ ປະກາດລັອດດາວຄົນທີ່ບໍ່ສັກວັກຊີນປ້ອງກັນໂຄວິດ-19 ເພື່ອຄວບຄຸມການລະບາດຄັ້ງໃໝ່ ຫຼັງຈາກເອີຮົບກັບມາເປັນສູນກາງຂອງການລະບາດອີກຄັ້ງ ລວມທັງການພົບເຊື້ອກາຍພັນຊະນິດໃໝ່ໂອໄມຄຣອນ.

ເຊິ່ງຜູ້ບໍ່ໄດ້ສັກວັກຊີນແມ່ນຈະຖືກຫ້າມບໍ່ໃຫ້ເຂົ້າສະຖານທີ່ຕ່າງໆ ຍົກເວັ້ນສະຖານທີ່ຈຳເປັນເຊັ່ນ: ຊຸບເປີ້ມາເກັດ ແລະ ຮ້ານຂາຍຢາ ສ່ວນການພົບປະກັນແມ່ນຈະອະນຸຍາດໃຫ້ຕົນບໍ່ສັກສັກຊີນພົບກັບຄົນອື່ນໄດ້ພຽງ 2 ຄົນ, ສ່ວນຄົນທີ່ຫາຍດີຈາກໂຄວິດ-19 ຈະບໍ່ໄດ້ຖືກບັຄັບໃຊ້ມາດຕະການນີ້.

ທ່ານ ນາຍົກ ຍັງໄດ້ກ່ຽວອີກວ່າ: “ເຮົາຕ້ອງເຂົ້າໃຈວ່າສະຖານນະການຕອນນີ້ຮ້າຍແຮງຫຼາຍ ເຮົາຕ້ອງໃຊ້ມາດຕະການເພິ່ມທະວີເພື່ອຮັບມື ການລະບາດຮອບທີ 4 ຈະຕ້ອງຖືກທຳລາຍ ເຊິ່ງຕອນນີ້ຍັງເຮັດບໍ່ທັນສຳລັບເທື່ອ”