ໃນວັນທີ 26 ພະຈິກ 2021 ເວັບໄຊ້ຂ່າວຕ່າງປະເທດ ໄດ້ລາຍງານວ່າ: ນັກວິທະຍາສາດໃນທົ່ວໂລກກໍາລັງວິຕົກກັງວົນກ່ຽວກັບການພົບໃໝ່ຂອງເຊື້ອໂຄວິດ-19 ສາຍພັນໃໝ່ທີ່ມີຊື່ທາງວິທະຍາສາດວ່າ B.1.1.529 ຈາກທະວີບອາຟຣິກາ ຫຼັງຈາກທີ່ພົບວ່າເຊື້ອໂຄວິດ-19 ສາຍພັນໃໝ່ນີ້ຖືເປັນເຊື້ອໂຄວິດ-19 ໂຕໃໝ່ທີ່ຮ້າຍແຮງທີ່ສຸດເທົ່າທີ່ເຄີຍພົບເຫັນ ເນື່ອງຈາກວ່າມັນມີການກາຍພັນຫຼາຍກວ່າ 30 ຕໍາແໜ່ງ ຈົນຖືກເອີ້ນວ່າ Super-mutant Covid-19 ຫຼື ເຊື້ອໂຄວິດ-19 ຊູບເປີກາຍພັນ.

ທາງດ້ານຜູ້ຊ່ຽວຊານດ້ານໄວຣັສວິທະຍາໄດ້ອະທິບາຍວ່າ ເຊື້ອພະຍາດໂຄວິດ-19 ສາຍພັນໃໝ່ ມີການກາຍພັນຫຼາຍກວ່າ 30 ຕໍາແໜ່ງ ລວມທັງຍັງເກີດການກາຍພັນທີ່ມີໂປຣຕີນໜາມທີ່ເຮັດໃຫ້ເຊື້ອໂຄວິດ-19 ແຜ່ຂະຫຍາຍໃນຈຸລັງຮ່າງກາຍຂອງມະນຸດກ່ອນທີ່ຈະຕິດເຊື້ອ ເຊິ່ງການກາຍພັນຂອງເຊື້ອໂຄວິດ-19 ສາຍພັນໃໝ່ ຖືເປັນການກາຍພັນຫຼາຍທີ່ສຸດເທົ່າທີ່ເຄີຍເກີດຂຶ້ນ  ແລະ ຫຼາຍກວ່າສາຍພັນເດລຕາເຖິງ 2 ເທົ່າ ຈຶ່ງຄາດຄະເນວ່າເຊື້ອໂຄວິດ-19 ສາຍພັນ B.1.1.529 ສາມາດຫຼົບຫຼີກວັກຊີນໄດ້ດີຂຶ້ນ ແລະ ແຜ່ກະຈາຍການຕິດເຊື້ອໄດ້ຫຼາຍກວ່າສາຍພັນອື່ນທີ່ຜ່ານມາ ແລະ ສິ່ງທີ່ຕ້ອງກັງວົນອີກຢ່າງໜຶ່ງກໍຄືຕອນນີ້ໃນປະເທດອາຟຣິກາໃຕ້ໄດ້ພົບຜູ້ຕິດເຊື້ອໂຄວິດ-19 ສາຍພັນໃໝ່ເພີ່ມໄວຂຶ້ນແບບກະໂດດຂັ້ນ ແລະ ຄາດວ່າອົງການອະນາໄມໂລກ WHO ຈະຕັ້ງຊື່ໂຄວິດສາຍພັນໃໝ່ນີ້ວ່າ Nu.