1.ດື່ມນ້ຳໃຫ້ຜິວສົດໃສ

ແມ່ຄວນດື່ມນ້ຳຫຼາຍໆ ເປັນ 1 ໃນເຄັດລັບເພີ່ມຄວາມສວຍງາມ ເພາະນອກຈາກບໍ່ເຮັດໃຫ້ຜິວແຫ້ງແລ້ວ ຍັງຊ່ວຍໃຫ້ເລືອດໄຫຼວຽນດີ ເຊິ່ງຈະລຳລຽນອົກຊີເຈນໄປເຖິງລູກນ້ອຍ.

 2.ຫາເວລາແຫ່ງຄວາມສຸກກັບລູກນ້ອຍ

ຖ້າແມ່ມີຄວາມສຸກຍ່ອມໝາຍເຖິງຄວາມສຸກຂອງລູກນຳ ເຊິ່ງຫາກແມ່ອາລົມດີ ແລະມີຄວາມສຸກກັບການຖືພາ ກໍ່ຈະເຮັດໃຫ້ແມ່ຮູ້ສຶກວ່າຕົນເອງເປັນຜູ້ຍິງທີ່ງາມ ໃດ້ງ່າຍໆ .

3.ເບິ່ງແຍງຜົມ

ຄົນຖືພາຫຼາຍຄົນອາດຈະເຈີກັບບັນຫາຜົມຫຼົ່ນ ຜົມແຫ້ງເສຍເວລາຖືພາ ດັ່ງນັ້ນ ຕ້ອງຫັນມາໃສ່ໃຈສຸຂະພາບຜົມຫຼາຍໆ ຄວນສະຜົມໃຫ້ສະອາດແລະນວດຫົວເບົາໆ ຄວບຄູ່ໄປນຳ ຈະຊ່ວຍໃຫ້ເລືອດໄປລ້ຽງເສັ້ນຜົມ ແລະລົດບັນຫາຜົມແຫ້ງລົງໃດ້.

4.ບຳລຸງດວງຕາໃຫ້ໃສປິ້ງ

ຂອບຕາໝອງຄ້ຳ ຈະເຮັດໃຫ້ແມ່ຖືພາເບິ່ງຄືບໍ່ສົດໃສ ລອງໃຊ້ວິທີການລ້າງໜ້າດ້ວຍນ້ຳເຢັນ ກໍ່ຈະຊ່ວຍເຮັດໃຫ້ສົດຊື່ນຂື້ນ ແລະວິທີນີ້ຍັງຊ່ວຍເຮັດໃຫ້ດວງຕາໃສປິ້ງອີກດ້ວຍ.

5.ປອດໄພຈາກຜິວແຫ້ງ

ຜິວແຫ້ງຈົນຮູ້ສຶກຄັນຕາມໂຕ ມັກຈະນຳຄວາມລຳຄານມາສູ່ຄົນຖືພາທຸກຄົນ ແຕ່ບໍ່ຕ້ອງກັງວົນ ວິທີທີ່ຈະຊ່ວຍໃຫ້ຫາຍຈາກອາການນີ້ກໍ່ພຽງໃຊ້ນ້ຳທຳມະຊາດ ເຊັ່ນ: ນ້ຳໝາກພ້າວ, ນ້ຳມັນໝາກກອກ, ທາໃຫ້ທົ່ວຜິວ ປັນຫາຜິວແຫ້ງແລະອາການຄັນກໍ່ຈະຫາຍໄປ.

ເລື່ອງຜິວພັນເປັນເລື່ອງສຳຄັນສຳລັບຜູ້ຍິງສະເໝີ ເຊິ່ງປັນຫາຜິວສ່ວນໜຶ່ງກໍ່ເກິດຈາກອາຫານທີ່ເຮົາກິນເຂົ້າໄປ ແມ່ຄວນຈະໃຊ້ຊ່ວງເວລານີ້ໄປກັບການເລືອກກິນອາຫານທີ່ມີຄຸນຄ່າຢ່າງຜັກແລະໝາກໄມ້ທີ່ມີປະໂຫຍດ ເຊັ່ນ : ຜັກຫົມ ,  Beetroot , ຖົ່ວ ຖ້າເປັນໝາກໄມ້ກໍ່ຍ່າຂາດໝາກກຽງ , ມາກກ້ວຍ ແລະແອບເປິ່ນ.