OCEANIX ໄດ້ຮັບການສະໜັບສະໜຸນຈາກໂຄງການ ຕັ້ງຖິ່ນຖານມະນຸດເແຫ່ງສະຫະປະຊາຊາດ (UN-Habitat) ໃຫ້ສ້າງເມືອງລອຍນໍ້າແຫ່ງທໍາອິດຂອງໂລກ. ເມືອງລອຍນໍ້າແບບທັນສະໄໝນີ້ຈະຖືກສ້າງຂຶ້ນທີ່ເມືອງປູຊານ ປະເທດເກົາຫຼີໃຕ້ ໂດຍຈະມີພື້ນທີ່ທັງໝົດປະມານ 469 ໄຮ່ ແລະ ສາມາດຮອງຮັບຜູ້ຢູ່ອາໄສໄດ້ປະມານ 10,000 ຄົນ ໂດຍຜັງເມືອງຈະປະກອບດ້ວຍເກາະທີ່ເປັນຮູບຫົກຫຼ່ຽມ ແລະ ແຕ່ລະເກາະຈະກິນພື້ນທີ່ປະມານ 12.5 ໄຮ່ ແລະ ມີຊຸມຊົນອາໄສຢູ່ປະມານ 300 ຄົນຕໍ່ໜຶ່ງເກາະ.
ຜູ້ຮ່ວມກໍ່ຕັ້ງ OCEANIX ໄດ້ໃຫ້ສໍາພາດວ່າ: “ເມືອງປູຊານເປັນສະຖານທີ່ທີ່ເໝາະສົມທີ່ສຸດທີ່ຈະສ້າງເມືອງຕົ້ນແບບ ເຊິ່ງຫວັງວ່າໃນອະນາຄົດພວກເຮົາຈະສາມາດນໍາຄວາມຄິດນີ້ໄປໃຊ້ໄດ້ກັບເມືອງທີ່ຢູ່ແຄມຝັ່ງ ເນື່ອງຈາກທົ່ວໂລກຕອນນີ້ກໍາລັງປະເຊີນຢູ່ກັບບັນຫາການເພີ່ມຂຶ້ນຂອງລະດັບນໍ້າທະເລ”
ເມືອງລອຍນໍ້າແຫ່ງນີ້ຖືກອອກແບບໃຫ້ປ່ຽນແປງໄປຕາມສະພາບຂອງສິ່ງແວດລ້ອມ ພວກມັນສາມາດພັດທະນາເປັນຊຸມຊົນທີ່ໃຫຍ່ຂຶ້ນໄດ້ເມື່ອເວລາຜ່ານໄປ. ນອກຈາກນີ້, ຍັງມີເທັກໂນໂລຊີທີ່ທັນສະໄໝທີ່ມະນຸດສາມາດຜະລິດພະລັງງານໄຟໄຟ້າ, ນໍ້າຈືດ ລວມໄປເຖິງອາຫານ ແລະ ລ້ຽງສັດໄດ້ອີກດ້ວຍ ເຊິ່ງຄາດວ່າຈະໃຊ້ເວລາໃນການກໍ່ສ້າງທັງໝົດ 3 ປີ ໂຄງການດັ່ງກ່າວປຽບເໝືອນການເລີ່ມຕົ້ນເທົ່ານັ້ນ ເພາະທາງ OCEANIX ໄດ້ເຂົ້າໄປເຈລະຈາກັບລັດຖະບານ 10 ປະເທດແລ້ວໃນທົ່ວໂລກ ເພື່ອສະເໜີວິທີແຫ້ໄຂບັນຫານໍ້າທະເລທີ່ເພີ່ມສູງຂຶ້ນ ສໍາລັບງົບປະມານໃນການກໍ່ສ້າງເມືອງລອຍນໍ້ານີ້ຄາດວ່າຈະຢູ່ທີ່ປະມານ 200 ລ້ານຫຼຽນ.
ແຫຼ່ງຂ່າວ: Khaosod