ເບລາຣຸສປິດທໍ່ສົ່ງນໍ້າມັນທີ່ສົ່ງອອກໃຫ້ສະຫະພາບເອີຣົບຊົ່ວຄາວ ທ່າມກາງຄວາມຂັດແຍ່ງເລື່ອງຜູ້ອົບພະຍົບ ໂດຍອ້າງວ່າຈຳເປັນຕ້ອງການການສ້ອມແປງສ່ວນທີ່ເປ່ເພ ພ້ອມຢືນຢັນຈະໃຫ້ແລ້ວພາຍໃນ 3 ວັນ.

ແຫຼ່ງຂ່າວ RT ຂອງຣັດເຊຍລາຍງານວ່າ: ທາງການປະເທດ ເບລາຣຸສ ໄດ້ປະກາດໃນວັນທີ 17 ພະຈິກຜ່ານມາ ວ່າ ຈຳເປັນຕ້ອງມີການສ້ອມແປງທໍ່ສົ່ງນໍ້າມັນບາງຈຸດ ເຊິ່ງເປັນທໍ່ສົ່ງທີ່ລຳລຽງນໍ້າມັນຈາກຣັດເຊຍຜ່ານເບລາຣຸສ ກ່ອນຈະສົ່ງຕໍ່ຫຼາຍປະເທດໃນເອີຣົບ ໂດຍບໍ່ມີການວາງແຜນໄວ້ລ່ວງໜ້າ ແຕ່ກໍຢືນຢັນວ່າຈະສ້ອມແປງໃຫ້ສຳເລັດພາຍໃນ 3 ວັນ.

ການກະທຳດັ່ງກ່າວຂອງເບລາຣຸສ ອາດເຮັດໃຫ້ການສົ່ງນໍ້າມັນໄປເອີຣົບເກີດຕິດຂັດໃນໄລຍະເວລາອັນສັ້ນ ເຊິ່ງນັກວິເຄາະເຊື່ອວ່າ ການສ້ອມແປງທໍ່ສົ່ງນໍ້າມັນຄັ້ງນີ້ອາດຈະບໍ່ກະທົບຕໍ່ປະລິມານການສົ່ງອອກລາຍເດືອນ ຖ້າເບລາຣຸສສຳເລັດການສ້ອມແປງພາຍໃນສາມວັນຕາມທີ່ກ່າວໄວ້.