ບໍລິສັດແຄນຊີໂນ ໄບໂອໂລຈິກສ໌ ເຊິ່ງເປັນບໍລິສັດເຕັກໂນໂລຢີຊີວະພາບແຫ່ງໜຶ່ງຂອງຈີນ ໄດ້ເປີດຕົວວັກຊີນປ້ອງກັນພະຍາດໂຄວິດ-19 ແບບສູດດົມ ໂດຍໃຊ້ເວລາບໍ່ເຖິງນາທີກໍສຳເລັດ ຂະນະທີ່ປັດຈຸບັນວັກຊີນແບບສູດດົມຊະນິດດັ່ງກ່າວກຳລັງຢູ່ໃນຂັ້ນຕອນຂໍອະນຸມັດການໃຊ້ງານໃນກໍລະນີສຸກເສີນຈາກພາກສ່ວນທີ່ກ່ຽວຂ້ອງ.
ຫຍາງເຈິ້ນຕົງ, ພະນັກງານບໍລິສັດ ແຄນຊີໂນ ໄບໂອໂລຈິກສ໌ (CanSino Biologics) ກ່າວວ່າ ຂວດແກ້ວພລາສຕິກມີໄວ້ສຳລັບສູດດົມລະອອງລອຍຂອງຕົວຢາ ເຊິ່ງອອກມາຈາກເຄື່ອງພົ່ນ ພາຍຫຼັງກົດປຸ່ມ ແລະລໍຖ້າປະມານ 10 ວິນາທີ ຈາກນັ້ນກໍສູດລົມຫັນໃຈເຂົ້າເລິກໆພ້ອມກັ້ນລົມຫັນໃຈ 5 ວິນາທີ ເພື່ອສູດດົມເອົາລະອອງລອຍເຂົ້າໄປ ກໍຖືວ່າສຳເລັດ.
ຢ່າງໃດກໍຕາມ, ທາງບໍລິສັດແຄນຊີໂນ ໄບໂອໂລຈິກສ໌ ກໍໄດ້ເປີດເຜີຍວ່າ ທາງບໍລິສັດໄດ້ດຳເນີນການຍື່ນຂໍອະນຸມັດການນຳໃຊ້ງານກໍລະນີສຸກເສີນກັບໜ່ວຍງານທາງການທີ່ກ່ຽວຂ້ອງສຳລັບວັກຊີນປ້ອງກັນພະຍາດໂຄວິດ-19 ແບບສູດດົມຊະນິດດັ່ງກ່າວແລ້ວ.
ຂໍ້ມູນຈາກ: ເວັບໄຊ Sanook