ວັນທີ 28 ຕຸລາ 2014 ທີ່ຜ່ານມາ ເວັບໄຊດິສຄັບເວີຣີ່ ເຜີຍແຜ່ຮູບພາບທີ່ສຸດຕື່ນຕາຕື່ນໃຈ ທີ່ດວງຈັນກຳລັງເຄື່ອນທີ່ຜ່ານບໍລິເວັນຈິດແດງໃຫຍ່ພໍດີ ເຮັດໃຫ້ປາກົດຮູບພາບຄ້າຍຄືກັບດາວພະຫັດມີດວງຕາ ເບິ່ງມາທີ່ກ້ອງໂທລະທັດຮັບເບີນຈັ່ງໃດກໍຈັ່ງຊັ້ນ.
ພາບດັ່ງກ່າວບັນທຶກໄດ້ຕັ້ງແຕ່ວັນທີ 21 ສິງຫາ 2014 ທີ່ຜ່ານມາ ໂດຍກ້ອງໂທລະທັດຮັບເບິນຂອງອົການນາຊ່າ ສະແດງພາບຂະນະທີ່ດວງຈັນແກນິມີດດວງຈັນບໍລິວານທີ່ໃຫຍ່ທີ່ສຸດຂອງດາວພະຫັດ ກຳລັງໂຄຈອນທອດເງົາຢູ່ເໜືອຈຸດແດງໃຫຍ່ ເຊິ່ງເປັນພາຍຸຂະໜາດໃຫຍ່ທີ່ໝຸນປິ່ນຢູ່ບໍ່ມີວັນຈັບສິ້ນເທິງດາວພະຫັດ ແບບທີ່ເອີ້ນວ່າພໍດິບພໍດີ ເຮັດໃຫ້ຮູບພາບວິນາທີນີ້ ຄ້າຍຄືກັບວ່າດາວພະຫັດມີດວງຕາໄຊຄລອບນັ້ນເອງ.
ທັງນີ້ ສຳລັບພາຍຸເທິງດາວພະຫັດນີ້ ເປັນພາຍຸຂະໜາດໃຫຍ່ກວ່າໂລກເຖິງ 3 ເທົ່າ ໝຸນກົງກັນຂ້າມກັບເຂັມໂມງໄປເລື້ອຍໆ ບໍ່ສິ້ນສຸດ ດ້ວຍຄວາມໄວ 400 ກິໂລແມັດຕໍ່ຊົ່ວໂມງ ພາຍຸຫົວນີ້ຖືກຄົ້ນພົບເທື່ອທຳອິດເມື່ອປີ 1665 ໂດຍທ່ານກິອັນ ໂດເມນິໂກ ຄາສຊິນີ ນັກດາລາສາດຊາວອິຕາລີ່ ແລະປັດຈຸບັນກໍຍັງປາກົດໃຫ້ເຫັນບໍ່ມີການປ່ຽນແປງໄປ ຄາດວ່າມັນອາດຈະໝຸນປິ່ນຢູ່ແບບນີ້ມາຕັ້້ງແຕ່ກາລະອັນຍາວນານມາແລ້ວ.