Homeຂ່າວຕ່າງປະເທດຮ້ານຂາຍບໍລິການໃນໂອຕຣິດແຖມບໍລິການສາວງາມບໍ່ເສຍຄ່າ ຫາກຊາຍໃດເຂົ້າໄປສັກວັກຊີນ

ຮ້ານຂາຍບໍລິການໃນໂອຕຣິດແຖມບໍລິການສາວງາມບໍ່ເສຍຄ່າ ຫາກຊາຍໃດເຂົ້າໄປສັກວັກຊີນ

Published on

ສະຖານທີ່ບໍລິການໂສເພນີແຫ່ງໜຶ່ງໃນປະເທດໂອຕຣິດ ຄິດໄອເດຍໃໝ່ເອົາໃຈຄົນມັກມ່ວນແຕ່ບໍ່ຢາກສັກວັກຊີນ ດ້ວຍການຈັດຫາສາວງາມໃຫ້ໂດຍບໍ່ເສຍຄ່າ ຫາກຊາຍໃດຕັດສິນໃຈເຂົ້າໄປສັກວັກຊີນປ້ອງກັນພະຍາດໂຄວິດ-19 ໃນຊ່ອງດັ່ງກ່າວ.

ທ່ານ ຄຣິສໂຕເຟີ ເລຍລາເຊີ, ຫົວໜ້າໃຫຍ່ສະຖານບໍລິການ Fun Palast ໃນກຸງວຽນນາ, ໂອຕຣິດ ກ່າວວ່າ: ໄອເດຍດັ່ງກ່າວມີຂຶ້ນພາຍຫຼັງລັດຖະບານໂອຕຣິດອອກຄຳສັ່ງເມື່ອບໍ່ດົນຜ່ານມາ ເຊິ່ງຫ້າມບໍ່ໃຫ້ບຸກຄົນໃດກໍຕາມທີ່ຍັງບໍ່ໄດ້ສັກວັກຊີນປ້ອງກັນໂຄວິດ ເຂົ້າໃຊ້ບໍລິການໃນຮ້ານອາຫານ ແລະພື້ນທີ່ໃນຮົ່ມຕ່າງໆ ເນື່ອງຈາກຈຳນວນຜູ້ຕິດເຊື້ອພາຍໃນປະເທດເລີ່ມດີດຕົວສູງຂຶ້ນໃນອາທິດຜ່ານມາ ຂະນະທີ່ມາດຕະການດັ່ງກ່າວ ເຮັດໃຫ້ຍອດຜູ້ມາໃຊ້ບໍລິການໃນຊ່ອງດັ່ງກ່າວຫຼຸດລົງເຖິງ 50%.

ສ່ວນໜຶ່ງໃນຄວາມພະຍາຍາມເພື່ອເຮັດໃຫ້ລູກຄ້າກັບມາໃຊ້ບໍລິການ, ທາງ Fun Palast ຈິ່ງເປີດສັກວັກຊີນປ້ອງກັນໂຄວິດພາຍໃນຊ່ອງ ທຸກໆວັນຈັນ ໂດຍເລີ່ມແຕ່ 4:00 ໂມງແລງ ເຖິງ 10:00 ໂມງແລງ ເຊິ່ງຈະດຳເນີນການຈົນຮອດທ້າຍເດືອນນີ້, ສຳລັບຜູ້ຊາຍທີ່ເຂົ້າໄປສັກວັກຊີນທຸກຄົນ ແມ່ນຈະໄດ້ຮັບຜົນຕອບແທນດ້ວຍການໃຊ້ບໍລິການໂດຍບໍ່ເສຍຄ່າເປັນເວລາ 30 ນາທີໃນຄລັບ VIP ກັບຍິງສາວທີ່ພວກເຂົາເລືອກເອງ.

ຢ່າງໃດກໍຕາມ, ໂຮງໂສເພນີ Fun Palast ຍັງມີເປີດບໍລິການສັກວັກຊີນໃຫ້ກັບເດັກຊາຍທີ່ມີອາຍຸຕໍ່າກວ່າ 14 ປີ ຫາກເດັກຄົນດັ່ງກ່າວເດີນທາງມາພ້ອມກັບຜູ້ໃຫຍ່ ຂະນະທີ່ແມ່ຍິງກໍສາມາດເຂົ້າໄປສັກວັກຊີນໄດ້ເຊັ່ນກັນ.

ຂໍ້ມູນຈາກ: MGR Online

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...