spot_img
Homeຂ່າວໂຄວິດ-19ປະຫວັດຜູ້ຕິດເຊື້ອ ແລະ ເສຍຊີວິດໃໝ່ ວັນທີ 19 ຕຸລາ 2021

ປະຫວັດຜູ້ຕິດເຊື້ອ ແລະ ເສຍຊີວິດໃໝ່ ວັນທີ 19 ຕຸລາ 2021

Published on

ສະພາບການລະບາດຂອງພະຍາດ COVID-19 ຢູ່ ສປປ ລາວ
ວັນທີ 18 ຕຸລາ 2021, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 5,911 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 657 ຄົນ (ຕິດເຊື້ອພາຍໃນ ມີ 656 ຄົນ ແລະ ຕິດເຊື້ອນໍາເຂົ້າ 1 ຄົນ).

ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນ ໃໝ່ ທັງໝົດ 656 ຄົນ ຊຶ່ງມີລາຍລະອຽດຈາກແຂວງທີ່ມີການຕິດເຊື້ອຫຼາຍ ຫາ ແຂວງທີ່ມີການຕິດເຊື້ອໜ້ອຍ ດັ່ງນີ້:

1. ນະຄອນຫຼວງ 239 ຄົນ: ມາຈາກ 80 ບ້ານ, ໃນ 7 ເມືອງ
• ເມືອງຈັນທະບູລີ, ມີ 19 ຄົນ, 10 ບ້ານ ຄື: ບ້ານສີສະຫວາດ, ດົງໝ້ຽງ, ທ່ັງສາງນາງ, ສະຫວ່າງ, ຫ້ວຍຫົງ, ໜອງປີງ, ຮ່ອງຄ້າ, ຮ່ອງໄກ່ແກ້ວ, ໂພນສະຫ່ວາງ ແລະ ໂພນຕ້ອງຈອມມະນີ.
• ເມືອງສີໂຄດຕະບອງ, ມີ 27 ຄົນ, 19 ບ້ານຄື: ບ້ານຂຸນຕາທົ່ງ, ສີບຸນເຮືອງທ່າ, ດ່ານຄຳ, ດົງນາໂຊກເໜືອ, ຕາດທອງ, ນາຄຳ, ຍາພະ, ທົ່ງປົ່ງ, ນາແຮ່, ປາກທ້າງ, ວັດໄຕທົ່ງ, ໜອງສະໂນຄຳ, ໜອງດ້ວງ, ໜອງບົວທອງເໜືອ, ອຸບມຸງ, ໂນນແກ້ວ, ໂພສີ, ໂພນສະຫວາດໃຕ້ ແລະ ໂພນສົມບູນ.
• ເມືອງໄຊເສດຖາ, ມີ 143 ຄົນ, 20 ບ້ານຄື: ບ້ານ ຄຳສະຫວາດ (ຄ້າຍຄຸມຂັງ), ຈອມມະນີ, ສະພານທອງເໜືອ, ສະພັງໝໍ້, ສີສັງວອນ, ສົມສະຫງ່າ, ຊຽງດາ, ນາສ້າງໄຜ່, ຝາຍ, ຫົວຂົວ, ຮ່ອງແກ, ເມືອງນ້ອຍ, ແສງສະຫວ່າງ, ໂຊກຄຳ, ໂຊກນ້ອຍ, ໂຊກໃຫ່ຍ, ໂນນສະຫວັນ, ໂນນຫວາຍ, ໂພນສະຫວ່າງ ແລະ ໂພນພະເນົາ.
• ເມືອງສີສັດຕະນາກມີ, ມີ 13 ຄົນ, 8 ບ້ານຄື: ບ້ານຈອມເພັດໃຕ້, ສີບຸນເຮືອງ, ທົ່ງພານທອງ, ພະໄຊ, ພັນໝັ້ນ, ໂພນສີນວນ, ໂພນປ່າເປົ້້າ ແລະ ໄຊສະຖານ.
• ເມືອງໄຊທານີ, ມີ 20 ຄົນ, 11ບ້ານຄື: ບ້ານດອນໜູນ, ດົງໝາກຄາຍ, ທ່ນາກ, ທ່າຈຳປາ, ທົ່ງມັ່ງ, ພະຂາວ, ໜອງພະຍາ, ອຸດົມຜົນ, ໂນນບໍ່ແກ້ວ, ໄຊ ແລະ ໄຊສະຫວ່າງ.
• ເມືອງຫາດຊາຍຟອງ, ມີ 15 ຄົນ, 11 ບ້ານຄື: ສົມສະໜຸກ, ດອນຂະຊາຍ, ດອນຝ້າຍ, ດົງໂພນເລົາ, ດົງໂພນແຮ່, ທ່ານາ, ນາໄຫ, ຫ້ອມ, ຫາດຊາຍຂາວ, ຫາດຊາຍຟອງ ແລະ ໂຄກຊາຍ .
• ເມືອງສັງທອງ, ມີ 1 ບ້ານ: ປາກຕອນ

2. ແຂວງວຽງຈັນ 155 ຄົນ
• ເມືອງກາສີ ມີ 09 ບ້ານ, 65 ຄົນ: ບ້ານວຽງແກ້ວ ມີ 34 ຄົນ,ບ້ານພູຄໍາ ມີ 16 ຄົນ, ບ້ານນາມົນ ມີ 11 ຄົນ , ​ບ້ານທາງແບ່ງ, ບ້ານນາແທ່ນ, ບ້ານບົວທອງ, ບ້ານຜາຊ້າງ, ບ້ານໜອງບົວທອງ ແລະ ບ້ານໂພນງາມ ບ້ານລະ01 ຄົນ
• ເມືອງ ຫີນເຫີບ, ມີ 02 ບ້ານ, 32 ຄົນ: ​ບ້ານມຸກ ມີ 29 ຄົນ ,​ບ້ານນາທອງ ມີ 03 ຄົນ
• ເມືອງໂພນໂຮງ, ມີ 11 ບ້ານ, 19 ຄົນ: ​ບ້ານນາທອງ ມີ 03 ຄົນ, ບ້ານໂພນໄຊ ມີ 02 ຄົນ, ​ບ້ານນໍ້າແຈ້ງ, ບ້ານໂພນຄໍາໃຕ້, ບ້ານໂພນສະຫວ່າງ, ບ້ານໂພນສູງ ແລະ ບ້ານໂພນໄຂ ມີບ້ານລະ 01 ຄົນ, ​ບ້ານຫຼັກ 52 ມີ 01 ຄົນ , ​ບ້ານໂພນງາມໃຕ້ ມີ 01 ຄົນ , ບ້ານນາເລົ່າ ມີ 02 ຄົນ , ບ້ານນາໂພໃຕ້ ມີ 05 ຄົນ
• ເມືອງແກ້ວອຸດົມ, ມີ 05 ບ້ານ, 11 ຄົນ: ບ້ານດານສະຫວັນ ມີ 01 ຄົນ , ບ້ານທ່າຊັບ ມີ 02 ຄົນ , ​ບ້ານນາປູນ ມີ 02 ຄົນ , ​ບ້ານແສງສະຫວ່າງ ມີ 02 ຄົນ, ບ້ານພູເຂົາຄໍາ ມີ 04 ຄົນ
• ເມືອງວຽງຄໍາ, ບ້ານໂພນຊ່ອງ ມີ 04 ຄົນ
• ເມືອງທຸລະຄົມ, ມີ 1 ບ້ານຄື ບ້ານໂພນແຮ່ ມີ 01 ຄົນ
• ເມືອງວັງວຽງ ມີ1 ບ້ານຄື ບ້ານວຽງແກ້ວ ມີ 01 ຄົນ

3. ແຂວງຄໍາມ່ວນ 126 ຄົນ
• ເມືອງທ່າແຂກ ມີ 106 ຄົນ ຄື:
-​ຈາກບໍລິສັດລາວຄາຍຢວນ ບໍ່ແຮ່ຈຳກັດ (ກວດຕົວຢ່າງຄັ້ງທີ່ 2) ມີ 63 ຄົນ (ຈີນ 59 ຄົນ); ປະຈຸບັນ ມີຜູ້ຕິດເຊື້ອສະສົມທັງໜົດມີ 671 ຄົນ; ໃນຈໍານວນພະນັກງານທັງໜົດ 1,102 ຄົນ (ຈີນມີທັງໝົດ 410 ຄົນ)

-​ບ້ານ ໜອງຜື ມີ 34 ຄົນ

-​ບໍລິສັດຕັງຈະເລີນ ມີ 1 ຄົນ

-​ບ້ານ ນາບົງ ມີ 1 ຄົນ

-​ບ້ານ ນາບວບ ມີ 1 ຄົນ

-​ບ້ານ ສົມສະອາດ 3 ຄົນ

-​ບ້ານ ຈອມແກ້ວ, ບ້ານ ສົມສະໜຸກ ແລະ ບ້ານທ່າແຄ ມີບ້ານລະ 1 ຄົນ

• ເມືອງຄູນຄໍາ, ບ້ານ ຜາຊ້າງ ມີ 20 ຄົນ

4. ແຂວງຫຼວງພະບາງ 72 ຄົນ, ທັງໜົດ ໄດ້ພົວພັນກັບຄົນຕິດເຊື້ອຜ່ານມາ.
• ນະຄອນຫຼວງພະບາງ, ມີ 41 ຄົນ, 17 ບ້ານ
– ບ້ານໂພນສະອາດ ມີ 5 ຄົນ
– ​ບ້ານໂພສີ ມີ 5 ຄົນ
– ບ້ານພູໝອກ ມີ 5 ຄົນ
– ບ້ານປາກປາ ມີ 4 ຄົນ
– ບ້ານໜອງຄຳ ມີ 3 ຄົນ
– ບ້ານຜາໂອ ມີ 3 ຄົນ (ວັດຜາໂອ)
– ​ບ້ານຜາສຸກ ມີ 3 ຄົນ
– ບ້ານປາກເຊືອງ ມີ 2 ຄົນ
– ບ້ານເມືອງງາ ມີ 2 ຄົນ
– ບ້ານໂຄມຂວາງ ມີ 2 ຄົນ
– ບ້ານກອກຫວານ, ບ້ານຄອຍ, ບ້ານຄົກວ່າ, ບ້ານຊ່າງຄ້ອງ, ບ້ານຊຽງແກ້ວ, ບ້ານປ່ອງຄຳ, ບ້ານຫາດຮ່ຽນ, ມີ ບ້ານລະ 1 ຄົນ
• ເມືອງປາກອູ, ມີ 22 ຄົນ, 3 ບ້ານ
– ບ້ານສ້ຽວ ມີ 20 ຄົນ
– ບ້ານວັງແລ ແລະ ບ້ານ ຫາດປາງ, ບ້ານລະ 1 ຄົນ
• ເມືອງງອຍ, ມີ 5 ຄົນ, ທັງໝົດຈາກ ບ້ານ ໜອງຂຽວ
– ເມືອງນໍ້າບາກ, ມີ 2 ຄົນ, ບ້ານແສນຫຼວງ ແລະ ບ້ານຫ້ວຍຢາງ ບ້ານລະ 1 ຄົນ
• ເມືອງວຽງຄໍາ, ມີ 2 ຄົນ, ທັງສອງຄົນແມ່ນພະນັກງານດ່ານໜ້າ

5. ແຂວງບໍລິຄໍາໄຊ 25 ຄົນ
• ເມືອງປາກຊັນ ມີ 9 ກໍລະນີ , ບ້ານມີໄຊ 6 ຄົນ, ບ້ານນາຈິກ 2 ຄົນ, ນໍ້າງຽບ 1 ຄົນ
• ​ເມືອງປາກກະກິງ, 3 ຄົນ
• ທົ່ງນາມີ 8 ຄົນ, ບ້ານຫ້ວຍໄຮ 3 ຄົນ, ບ້ານຫ້ວຍໄຮ ແລະ ຫ້ວຍເພັດ ບ້ານລະ 1 ຄົນ

6. ແຂວງໄຊສົມບູນ 16 ຄົນ:
• ເມືອງອະນຸວົງ, ບ້ານໂພນພະ ມີ 11 ຄົນ
• ເມືອງລ້ອງຊານ, ບ້ານສັນປາຕອງ ມີ 05 ຄົນ

7. ແຂວງສະຫວັນນະເຂດ 9 ຄົນ
• ນະຄອນໄກສອນ ມີ 08 ຄົນ, 05 ບ້ານຄື: ບ້ານດົງນາຄໍາ ມີ 02 ຄົນ ,ບ້ານທ່າແຮ່ ມີ 02 ຄົນ ,​ບ້ານໜອງຜື ມີ 02 ຄົນ, ບ້ານຊອກ ມີ 01 ຄົນ , ​ບ້ານໂພນສະຫວ່າງໃຕ້ ມີ 01 ຄົນ.
• ເມືອງຈໍາພອນ, ຫຼັກ 35 ມີ 01 ຄົນ

8. ແຂວງຈໍາປາສັກ 9 ຄົນ
• ນະຄອນປາກເຊ, ມີ 07 ບ້ານ (08 ຄົນ)
-​ບ້ານໂພນກຸງ ມີ 02 ຄົນ

-​ບ້ານກັນເກີງ ມີ 01 ຄົນ , ບ້ານຫ້ວຍຍາວຄໍາ ມີ 01 ຄົນ

-​ບ້ານແກ້ວສໍາພັນ 1 ຄົນ

-​ບ້ານໂພນສະຫວັນ ມີ 01 ຄົນ

-​ບ້ານສະໜາມໄຊ ມີ 01 ຄົນ

-​ບ້ານໂຊກອໍານວຍ ມີ 01 ຄົນ (

• ເມືອງໂພນທອງ, ບ້ານສະໝໍລຽບ ມີ 01 ຄົນ

9. ແຂວງສາລະວັນ 4 ຄົນ: (ກໍາລັງເກັບກໍາ)

10 . ແຂວງບໍ່ແກ້ວ 1 ຄົນ:
ສໍາລັບຜູ້ຕິດເຊືື້ອພາຍໃນ ທີມແພດປິ່ນປົວຈະໂທແຈ້ງໃຫ້ຮູ້ ແລະ ມີລົດໄປຮັບເພື່ອເຂົ້ານອນຕິດຕາມປິ່ນປົວ ຢູ່ສະຖານທີ່ປິ່ນປົວທີ່ກໍານົດໄວ້.

ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດມີຈໍານວນ 1 ຄົນ: ຈາກ ແຂວງະຫວັນນະເຂດ, ບຸກຄົນດັ່ງກ່າວນີ້ ແມ່ນໄດ້ເກັບຕົວຢ່າງ ແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນຂອງແຕ່ລະແຂວງ. ເມື່ອຜົນກວດເປັນບວກ ພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ແຂວງກໍານົດໄວ້.

• ມາຮອດວັນທີ 18 ຕຸລາ ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 32,971 ຄົນ, ເສຍຊີວິດສະສົມ 45 ຄົນ (ໃໝ່ 5), ປິ່ນປົວຫາຍດີ ແລະ ກັບບ້ານໃນມື້ວານ ມີ 268 ຄົນ, ກໍາລັງປິ່ນປົວ 7.167 ຄົນ.

ລາຍລະອຽດຜູ້ເສຍຊີວິດໃໝ່ 5 ຄົນ ມີດັ່ງນີ້:
• ຜູ້ທີ 1: ເພດຊາຍ, ອາຍຸ 35 ປີ, ອາຊີບ: ກໍາມະກອນ, ບ້ານທ່າດິນແດງເໜຶອ, ເມືອງໄຊທານີ, ນະຄອນຫລວງວຽງຈັນ
– ວັນທີ 24 ສິງຫາ 2021: ຜູ້ກ່ຽວໄດ້ເຂົ້າຝາກສູນດັດສ້າງ
– ໄດ້ສັກຢາວັກຊີນ J &J
– ມີພະຍາດປະຈຳຕົວ: ມີບັນຫາທາງພະຍາດລະບົບຫາຍໃຈ, ຊື່ງລັກສະນະຂອງຜູ້ກ່ຽວເປັນຄົນຈ່ອຍຜ່ອມ ແລະ ຂາດສານອາຫານ
– ມີອາການປວດຕາມຕົນໂຕ ແລະ ເຈັບຫົວຕະຫລອດ
– ວັນທີ 12 ຕຸລາ 2021: ໄດ້ເກັບຕົວຢ່າງມາກວດຊອກຫາພະຍາດໂຄວິດ-19 ແລະ ໃນມື້ດຽວກັນຜົນກວດອອກມາພົບເຊື້ອ
– ໄລຍະເວລາຕິດຕາມ ແລະ ປິ່ນປົນ ແຕ່ວັນທີ 12-17/10/2021 ເປັນເວລາ 07 ມື້.
– ມາຮອດເວລາ 14:00 ນາທີ ຂອງວັນທີ 17/10/2021 ຜູ້ກ່ຽວໄດ້ມີອາການໜັກລົງ ແພດໝໍໄດ້ສຸມທຸກກຳລັງເພື່ອປີ່ນປົວເຊີດຊູແຕ່ຜູ້ກ່ຽວບໍ່ຕອບສະໜອງ ແລະ ເສຍຊີວິດລົງ .
• ຜູ້ທີ 2: ເພດຊາຍ, ອາຍຸ 65 ປີ, ອາຊີບ:ຊາວນາ, ບ້ານຫຼັກ 35, ເມືອງຈໍາພອນ, ແຂວງສະຫວັນນະເຂດ.
– ຍັງບໍ່ທັນໄດ້ຮັບການສັກຢາວັກຊິນເທື່ອ
– ພະຍາດປະຈໍາຕົວ: ເປັນພະຍາດເບົາຫວານ ມາໄດ້ 10 ປີ ແລະ ກິນຢາປະຈໍາ
– ເວລາ 12:40 ໂມງ ຂອງວັນທີ 17 ຕຸລາ 2021: ຄົນເຈັບໄດ້ມາກວດ ໂດຍຜ່ານຈຸດຂັດກອງສຸກເສີນ ຂອງໂຮງໝໍແຂວງ ຍ້ອນມີອາການໄຂ້, ໄອ, ອິດເມື່ອຍ, ຫາຍໃຈຝືດ ເປັນມາໄດ້ 05 ວັນ.
– ໄດ້ເກັບຕົວຢ່າງກວດຫາເຊື້ອ COVID 19 ໃນເບື້ອງຕົ້ນດ້ວຍ rapid antigen test (-)
– ເວລາ 13:00 ໂມງ: ຄົນເຈັບໄດ້ໄປນອນຢູ່ຕຶກຂັດກອງ ດ້ວຍອາການຫາຍໃຈຍາກ, ອິດເມື່ອຍ, ເຫື່ອໃຄຄາວຊຶມ ແລະ ກະວົນກະວາຍ ແລະ ລໍຖ້າຜົນກວດຫາເຊື້ອພະຍາດໂຄວີດ-19ດ້ວຍ PCR
– ເວລາ 10:00 ໂມງຂອງວັນທີ 18 ຕຸລາ 2021: ຜູ້ກ່ຽວນອນປີ່ນປົວຢູ່ຕຶກຂັດກອງ ແລະ ມີອາການ ອິດເມື່ອຍ ແລະ ສະຕິງ້ວງນອນຊຶມ, ຄົນເຈັບມີອາການຫາຍໃຈຍາກ (ຫາຍໃຈປາ), ມີອາການກໍ່າແຫຼ້, ບໍ່ຮູ້ສະຕິ ໄດ້ນອນແຍກຢູ່ຫ້ອງມໍລະສຸມ, ແພດໝໍໄດ້ພະຍາຍາມສຸມທຸກກຳລັງເພື່ອປີ່ນປົວເຊີດຊູແຕ່ອາການຜູ້ກ່ຽວບໍ່ດີຂື້ນ ແລະ ຄົນເຈັບໄດ້ເສຍຊີວິດໃນເວລາຕໍ່ມາ ແລະ ຜົນກວດ PCR ພົບຕິດເຊື້ອພະຍາດໂຄວິດ-19
• ຜູ້ທີ່3: ເພດຊາຍ, ອາຍຸ 16 ປີ, ອາຊີບ: ນັກຮຽນ, ບ້ານພູເຂົາຄໍາ, ເມືອງແກ້ວອຸດົມ, ແຂວງວຽງຈັນ
– ຄົນເຈັບແຂງແຮງດີ, ບໍ່ມີພະຍາດປະຈໍາໂຕ, ຊ່ວງມີການລະບາດຂອງພະຍາດ ຄົນເຈັບຫລີ້ນແຕ່ໂທລະສັບຢູ່ໃນຫ້ອງຄົນດຽວ, ກີນດື່ມບໍ່ປົກະຕິ
– ວັນທີ 17 ຕຸລາ 2021: ໄຂ້,ໄອ ແລະ ຫາຍໃຈຫອບ
– ເວລາ 17 ໂມງ 00 ນາທີ ຂອງວັນທີ 18 ຕຸລາ 2021 : ຄົນເຈັບຫາຍໃຈຫອບຫຼາຍ, ແໜ້ນເອິກແຮງ ຈື່ງໄດ້ເຂົ້າມາໂຮງໝໍເມືອງແກ້ວອຸດົມ ພ້ອມທັງເກັບຕົວຢ່າງ ຜົນກວດພົບເຊື້ອພະຍາດໂຄວິດ-19 ຈື່ງໄດ້ນໍາສົງເຂົ້າສູນປີ່ນປົວໂຄວິດໂພນໂຮງ ເວລາ 19 ໂມງ 30 ນາທີ
– ຄົນເຈັບ ງ້ວງຊຶມ ອ່ອນເພຍ, ຫາຍໃຈຫອບຕື້ນ , ຕົນໂຕລາຍ, ກໍ່າແຫຼ້ຕາມຮີມສົບ, ຕີນມືເຢັນ, ເຫືອຊຶມ ອາການຊີວິດບໍ່ດີ , ແພດໝໍໄດ້ສຸມທຸກກຳລັງເຊີດຊູ ແຕ່ອາການບໍ່ຕອບສະໜອງ ແລະ ເສຍຊີວິດ ເວລາ 01 ໂມງ 30 ນາທີ ຂອງວັນທີ 19 ຕຸລາ 2021
• ຜູ້ທີ່4: ເພດຍີງ ອາຍຸ 66 ປີ, ອາຊີບ: ຫວ່າງງານ. ບ້ານ ຫ້ວຍນ້ຳເຢັນ ເມືອງ ນາຊາຍທອງ ແຂວງ ນະຄອນຫລວງ
– ຜູ້ກ່ຽວ ຕິດເຊື້ອ ແລະ ໄດ້ເຂົ້ານອນປີ່ນປົວຢູ່ໂຮງຫມໍມິດຕະພາບ ໃນວັນທີ 12/10/2021.
– ພະຍາດປະຈຳຕົວ: ເບົາຫວານ,ຄວາມດັນເລືອດສູງ ແລະ ມີນ້ຳໃນທ້ອງ(ບໍ່ຮູ້ສາເຫດ).
– ບໍ່ໄດ້ສັກວັນຊີນມາກ່ອນ.
– ໄລຍະທີ່ນອນປິ່ນປົວຢູ່ໂຮງໝໍແມ່ນເປັນເວລາ 7 ວັນ ແຕ່ວັນທີ 12/10/2021-18/10/2021, ໄລຍະເວລາປີ່ນປົວຜູ້ກ່ຽວກໍ່ມີອາການໜັກມາແຕ່ເບື້ອງຕົ້ນ, ແພດໝໍໄດ້ປີ່ນປົວ ແລະ ຕິດຕາມຢ່າງໃກ້ຊິດ, ຮອດເວລາ 13:00 ໂມງຂອງວັນທີ 18/10/2021 ຜູ້ກ່ຽວໄດ້ມີອາການໜັກລົງ ແພດໝໍໄດ້ສຸມທຸກກຳລັງເພື່ອເຊີດຊູແຕ່ຜູ້ກ່ຽວບໍ່ຕອບສະໜອງ ແລະ ເສຍຊີວິດລົງ.
• ຜູ້ທີ່ 5: ເພດຍິງ, ອາຍຸ 51 ປີ, ອາຊີບ: ແມ່ເຮືອນ, ບ້ານໂພນໄຊ, ນະຄອນຫລວງພະບາງ, ແຂວງຫລວງພະບາງ
-​ໄດ້ຮັບການສັກຢາວັກຊີນຊີໂນຟາມຄົບ 02 ເຂັມ
-​ພະຍາດປະຈໍາຕົວ: ພະຍາດເບົາຫວານ, ໜາກໄຂ່ຫຼັງຊຸດໂຊມ
-​ວັນທີ 12 ຕຸລາ 2021: ຜູ້ກ່ຽວ ໄດ້ເຂົ້າມານອນປີ່ນປົວ ຢູ່ໂຮງໝໍແຂວງຫລວງພະບາງ ຍ້ອນອາການຫາຍໃຈຝຶດ ແລະ ນອນພຽງບໍ່ໄດ້ ແລະ ໃນມື້ດຽວກັນນັ້ນ ໄດ້ເກັບຕົວຢ່າງມາກວດຊອກຫາພະຍາດໂຄວິດ-19
-​ວັນທີ 13 ຕຸລາ 2021: ຜົນກວດພົບເຊື້ອພະຍາດໂຄວິດ-19
-​ໄລຍະເວລານອນປີ່ນປົວ ຢູ່ໂຮງໝໍດັ່ງກ່າວ ແຕ່ວັນທີ 12-18 ຕຸລາ 2021 ເປັນເວລາ 09 ວັນແພດໝໍໄດ້ສຸມທຸກກຳລັງເພື່ອປີ່ນປົວເຊີດຊູຜູ້ກ່ຽວ ຮອດ ເວລາ 17 ໂມງ 55 ນາທີ ຂອງວັນທີ 18 ຕຸລາ 2021: ຜູ້ກ່ຽວບໍ່ມີອາການຕອບສະໜອງແລະ ໄດ້ເສຍຊີວິດ.

ບົດຄວາມຫຼ້າສຸດ

ກອງປະຊຸມສະມັດຊາໃຫຍ່ ລັດຖະສະພາ ລະຫວ່າງຊາດອາຊຽນ (AIPA) ຄັ້ງທີ 45

ກອງປະຊຸມສະມັດຊາໃຫຍ່ ລັດຖະສະພາ ລະຫວ່າງຊາດອາຊຽນ (AIPA) ຄັ້ງທີ 45 ຈະໄດ້ຈັດຂຶ້ນໃນລະຫວ່າງ ວັນທີ 17-23 ຕຸລານີ້ ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ ໂດຍຈະມີຄະນະຜູ້ແທນຈາກລັດຖະສະພາສະມາຊິກໄອປາ, ຄະນະຜູ້ແທນ...

ເປີດຢ່າງເປັນທາງການ ແຂ່ງຂັນຊ່ວງເຮືອເມືອງນານ ປະຈໍາປີ 2024

ເມືອງ ນານ ແຂວງ ຫລວງພະບາງ ຈັດພິທີເປີດງານບຸນອອກພັນສາປະວໍລະນາ ແລະ ຊ່ວງເຮືອປະຈໍາປີ 2024 ຂຶ້ນ ໃນວັນທີ 17 ຕຸລາ ນີ້ ທີ່ຜາມໄຊຍຶ່ງນ້ໍານານ...

Liam Payne ອະດີດສະມາຊິກວົງ One Direction ເສຍຊີວິດຫຼັງຈາກຕົກລົງຊັ້ນ 3 ໃນໂຮງແຮມແຫ່ງໜຶ່ງ

ອີງຕາມສຳນັກຂ່າວບີບີຊີ ລາຍງານວ່າ: ລຽມ ເພນ (Liam Payne) ອະດີດສະມາຊິກວົງ ວັນໄດເຣກຊັ່ນ (One Direction) ວົງດົນຕີຊື່ດັງຈາກ ອັງກິດ-ໄອແລນ ໄດ້ເສຍຊີວິດດ້ວຍອາຍຸ 31...

ເດືອນກັນຍາ 2024 ມີຜູ້ເສຍຊີວິດຈາກອຸບັດເຫດທັງໝົດ 54 ຄົນ ໃນຂອບເຂດທົ່ວປະເທດ

ໃນໄລຍະເດືອນກັນຍາ 2024 ຜ່ານມານີ້, ທົ່ວປະເທດລາວ ມີຜູ້ເສຍຊີວິດເຖິງ 54 ຄົນ, ມີຜູ້ບາດເຈັບ 674 ຄົນ ແລະ ມີພາຫະນະເປ່ເພ 780 ຄັນຈາກອຸບັດເຫດເກີດຂຶ້ນທັງໝົດ...