ລົດໄຟ EMU ຂະບວນທຳອິດໃນປະຫວັດສາດຂອງ ສປປ ລາວ ໄດ້ມາຮອດນະຄອນຫຼວງວຽງຈັນ ຢ່າງເປັນທາງການ. ເຊິ່ງແມ່ນຂະບວນລ້ານຊ້າງ ເຊິ່ງໄດ້ເຂົ້າຈອດທີ່ສະຖານີນະຄອນຫຼວງວຽງຈັນ ທີ່ຕັ້ງ ບ້ານໄຊ ເມືອງໄຊທານີ ນະຄອນຫຼວງວຽງຈັນ.
ໃນວັນທີ 16 ຕຸລາ 2021, ລົດໄຟ EMU ຂະບວນລ້ານຊ້າງ ໄດ້ເດີນທາງມາຮອດສະຖານີນະຄອນຫຼວງວຽງຈັນ ບ້ານໄຊ ເມືອງໄຊທານີ ນະຄອນຫຼວງວຽງຈັນ ເປັນທີ່ຮຽບຮ້ອຍແລ້ວ ແລະ ໄດ້ຈັດພິທີສົ່ງມອບລົດໄຟຂະບວນດັ່ງກ່າວ ຢ່າງເປັນທາງການ.
ພິທີມອບຮັບລົດໄຟ EMU “ຂະບວນລ້ານຊ້າງ” ສະຖານີລົດໄຟນະຄອນຫຼວງວຽງຈັນ ວັນທີ 16 ຕຸລາ 2021
ສົ່ງມອບຢ່າງເປັນທາງການ
ພາບບັນຍາກາດພິທີສົ່ງມອບລົດໄຟ EMU ຂະບວນລ້ານຊ້າງ ສະຖານີນະຄອນຫຼວງວຽງຈັນ
ດ້ານໜ້າສະຖານີນະຄອນຫຼວງວຽງຈັນ
ຕາມເຟສບຸ໊ກເພຈ ບໍລິສັດລົດໄຟລາວ-ຈີນ (Laos – China Railway Company Limited) ລາຍງານໃຫ້ຮູ້ລາຍລະອຽດເບື້ອງຕົ້ນຂອງລົດໄຟລາວ-ຈີນ ຂະບວນນີ້. ລົດໄຟ ຂະບວນ “ລ້ານຊ້າງ” ເປັນ ຂະບວນລົດໄຟ EMU (Electric Multiple Unit) ມີທັງໝົດ ມີ 2 ຊັ້ນ 720 ບອ່ນນັ່ງ, ບ່ອນນັ່ງຊັ້ນທີ1 ລວມມີ 56 ບ່ອນນັ່ງ, ບ່ອນນັ່ງຊັ້ນທີ2 ມີ 662 ບ່ອນນັ່ງ ແລະ ບ່ອນນັ່ງພິເສດສຳລັບຄົນພິການ 2 ບ່ອນນັ່ງ.
ລົດໄຟEMU ຂະບວນລ້ານຊ້າງ ໄດ້ເດີນທາງມາຈາກ ສປ ຈີນ ຜ່ານສະຖານີບໍ່ເຕນ-ສະຖານີເມືອງໄຊ ແລະ ສືບຕໍ່ເດີນທາງໄປສະຖານີເມືອງງາ-ສະຖານີຫຼວງພະບາງຕໍ່ ແລະ ສືບຕໍ່ຈົນຮອດສະຖານີນະຄອນຫຼວງວຽງຈັນ
ດ້ານການອອກແບບຄະນະຊ່ຽວຊານອອກແບບໄດ້ນຳໃຊ້ສັນຍາລັກຂອງທຸງຊາດລາວເຮົາເປັນແຮງບັນດານໃຈໃນການອອກແບບ, ທຸງຊາດຂອງລາວປະກອບມີ 3 ສີ ຄື: ສີແດງ, ສີຟ້າ ແລະ ສີຂາວ. ສີແດງເຖິງເລືອດເນື້ອຂອງນັກຮົບປະຕິວັດລາວ, ສີຟ້າຫມາຍເຖິງຄວາມອຸດົມສົມບູນທາງດ້ານຊັບພະຍາກອນທຳມະຊາດ ແລະ ສີຂາວຫມາຍເຖິງຄວາມສາມັກຄີຂອງຄົນລາວພາຍໃຕ້ການນຳພາຂອງພັກປະຊາຊົນປະຕິດລາວຄືດັ່ງດວງເດືອນ.