ແກ໊ງໂຈນອິນເດຍສຸດແສບ ຂຸດອຸໂມງເຂົ້າກວາດຊັບສິນໃນທະນາຄານຢ່າງມະຫາສານ ດ້ານທະນາຄານບໍ່ມີກ້ອງວົງຈອນ
ປິດໃນຫ້ອງຈັກໜ່ວຍ ຍ້ອນເປັນຫ້ອງທີ່ຄຸ້ມກັນແໜ້ນໜາ.
ເມື່ອວັນທີ 28 ຕຸລາ 2014 ຜ່ານມານີ້ ສຳນັກຂ່າວຕ່າງປະເທດລາຍງານວ່າ ແກ໊ງໂຈນອິນເດຍສຸດແສບ ເຈາະອຸໂມງຍາວກ່ວາ
38 ແມັດ ເຂົ້າໄປໃນຫ້ອງເກັບເງິນຂອງທະນາຄານ ປັນຈາບ ເນຊັ່ນແນວ ໃນອິນເດຍ ລັກເອົາເງິນ ແລະ ຂອງມີຄ່າໄປຢ່າງມະ
ຫາສານ.
ລາຍງານຂ່າວໄດ້ລະບຸວ່າ ໂຈນແກ໊ງດັ່ງກ່າວນີ້ ຂຸດອຸໂມງກວ້າງ 2.5 ຟຸດ ຈາກບໍລິເວນຕຶກຮ້າງ ໃກ້ກັບທະນາຄານດັ່ງກ່າວ
ໃນເຂດໂກຮານາ ລັດຫະລະຢານາ ແລ້ວໄປໂຜ່ຂຶ້ນໃນຫ້ອງເກັບຊັບສິນຂອງລູກຄ້າ ທີ່ມີການຄຸ້ມກັນແໜ້ນໜາພາຍໃນທະ
ນາຄານ ກ່ອນທີ່ຈະລັກຂຶ້ນໄປຂົນເອົາເງິນ ແລະ ຂອງມີຄ່າຈາກຕູ້ເກັບມ້ຽນກ່ວາ 90 ຕູ້ ພາຍໃນຫ້ອງດັ່ງກ່າວ ໂດຍໃຊ້ອຸປະ
ກອນຫລັກຄື ຄີມຕັດເຫລັກ ແລະ ໃຊ້ເວລາປະຕິບັດການເຖິງ 2 ຄືນດ້ວຍກັນ. ຈົນເຖິງໃນທີ່ສຸດ ເມື່ອວັນທີ 27 ຕຸລາຜ່ານ
ມາ ທາງຜູ້ຈັດການສາຂາຂອງທະນາຄານ ຈິ່ງເຂົ້າມາພົບວ່າ ມີໂຈນບຸກເຂົ້າມາລັກເອົາເງິນທາງອຸໂມງ, ແຕ່ກໍຍັງບໍ່ສາມາດ
ແກະຮອຍຄົນຮ້າຍໄດ້ ເນື່ອງຈາກຫ້ອງເກັບຊັບສິນດັ່ງກ່າວ ເປັນຫ້ອງທີ່ມີການຄຸ້ມກັນໜາແໜ້ນ ຈົນບໍ່ໜ້າຈະມີໃຜສາ
ມາດບຸກເຂົ້າໄປໄດ້ ທາງທະນາຄານຈິ່ງຕາຍໃຈ ບໍ່ມີການຕິດຕັ້ງກ້ອງວົງຈອນປິດແມ່ນແຕ່ໜ່ວຍດຽວ.
ຈາກການກວດສອບເບື້ອງຕົ້ນຄາດວ່າ ອຸໂມງດັ່ງກ່າວນີ້ ໜ້າຈະໃຊ້ເວລາຂຸດບໍ່ຕ່ຳກ່ວາ 1 ເດືອນ ແລະ ພວກເຂົາກໍໜ້າຈະ
ສັງເກດຕຳແໜ່ງທີ່ຕັ້ງຕ່າງໆພາຍໃນທະນາຄານ ກ່ອນທີ່ຈະລົງມືກໍ່ເຫດ.