spot_img
Homeຂ່າວຕ່າງປະເທດກຸ່ມນັກໂທດປະທະກັນໃນຄຸກເອກວາດໍເສຍຊີວິດ 116 ສົບ

ກຸ່ມນັກໂທດປະທະກັນໃນຄຸກເອກວາດໍເສຍຊີວິດ 116 ສົບ

Published on

ເວັບໄຊ ຂ່າວສົດ ອອນໄລນ໌ ລາຍງານ: ເກີດເຫດນັກໂທດສອງກຸ່ມປໍລະປັກປະທະກັນໃນຄຸກໃຫຍ່ ຢູ່ເມືອງກົວຍາກິນ ທາງພາກຕາເວັນຕົກສ່ຽງໃຕ້ຂອງປະເທດ ເອກວາດໍ ເຮັດໃຫ້ມີຜູ້ເສຍຊີວິດເຖິງ 116 ຄົນ, ບາດເຈັບ 80 ຄົນ ໃນນັ້ນມີ 5 ສົບຖືກຕັດຄໍຢ່າງປ່າເຖື່ອນ ຂະນະທີ່ທາງການເອກວາດໍໄດ້ຮີບຮ້ອນປະກາດພາວະສຸກເສີນໃນຄຸກພ້ອມສົ່ງກຳລັງທະຫານເຂົ້າໄປຄວບຄຸມຄຸກດັ່ງກ່າວ.

ເຫດການນອງເລືອດໃນຄຸກຄັ້ງທີ່ໂຫດຮ້າຍທີ່ສຸດໃນປະຫວັດສາດນີ້ ເລີ່ມຂຶ້ນແຕ່ວັນທີ 27 ກັນຍາ ເຊິ່ງສື່ທ້ອງຖິ່ນລະບຸວ່າ ເຫດການເກີດຂຶ້ນເນື່ອງຈາກແກ໊ງຄ້າຢາເສບຕິດແມັກຊິໂກສັ່ງໃຫ້ສະມາຊິກໃນຄຸກສັງຫານຄູ່ປໍລະປັກ ຂະນະທີ່ມີການເຜີຍແຜ່ຮູບພາບທາງອອນໄລນ໌ ເຜີຍໃຫ້ເຫັນສະພາບສົບຫຼາຍສິບກອງກັນເຕັມພື້ນໃນຄຸກ ເຊິ່ງການປະທະເດືອດດັ່ງກ່າວມີທັງປືນ, ມີດ ແລະລະເບີດ ແຕ່ທີ່ໜ້າເສົ້າກໍຄື ມີບາງສົບຖືກຕັດຫົວ ແລະຫັ່ນເປັນສິ້ນສ່ວນ.

ທ່ານ ກີເລໂມ ລາສໂຊ, ປະທານາທິບໍດີ ເອກວາດໍ ຖະແຫຼງຂ່າວດ້ວຍອາການໂສກເສົ້າວ່າ: ເຫດການຄັ້ງນີ້ເປັນເຫດການສຸດທີ່ສະເທືອນໃຈ ທີ່ຄຸກໄດ້ກາຍເປັນເຂດແດນການຊິງອຳນາດຂອງບັນດາແກ໊ງນັກໂທດອາຊະຍາກຳ ໂດຍທາງການຈະມີການນຳໃຊ້ມາດຕະການເດັດຂາດເພື່ອຄວບຄຸມຄຸກແຫ່ງນີ້ ທັງເປັນການປ້ອງກັນເຫດການທີ່ອາດຮຸນແຮງຂຶ້ນ ແລະສະກັດກັ້ນບໍ່ໃຫ້ປັນຫາລາມໄປສູ່ຄ້າຍຄຸມຂັງແຫ່ງອື່ນ.

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...