ໂຄສົກປະຈໍາອົງການສະຫະປະຊາຊາດໄດ້ບອກກັບນັກຂ່າວວ່າ ທ່ານ ອັນໂຕນິໂອ ກູເຕີເຣສ ເລຂາທິການຂອງອົງການສະຫະປະຊາຊາດໄດ້ຮັບຈົດໝາຍຂໍເຂົ້າຮ່ວມການປະຊຸມລະດັບສູງຂອງອົງການສະຫະປະຊາຊາດ ທີ່ຖືກສົ່ງມາຈາກ ລັດຖະມົນຕີການຕ່າງປະເທດຂອງປະເທດອັພການິດສະຖານ ແລະ ໃນຈົດໝາຍຍັງລະບຸວ່າ ກຸ່ມຕາລີບານໄດ້ແຕ່ງຕັ້ງໃຫ້ ທ້າວ ຊູຮາອິລ ຊາຮິນ ໂຄສົກຂອງຕາລີບານເປັນຜູ້ແທນຖາວອນຂອງອັພການິດສະຖານປະຈໍາອົງການສະຫະປະຊາຊາາດ.

ນອກຈາກນີ້, ໂຄສົກປະຈໍາອົງການສະຫະປະຊາຊາດຍັງໄດ້ບອກຕື່ມອີກວ່າຕອນນີ້ທາງເລຂາຂອງອົງການສະຫະປະຊາຊາດໄດ້ຮັບຈົດໝາຍອີກສະບັບໜຶ່ງທີ່ມີລາຍຊື່ສະມາຊິກຜູ້ແທນຂອງອັພການິດສະຖານທີ່ຂໍເຂົ້າຮ່ວມການປະຊຸມສະມັດຊາໃຫຍ່ແຫ່ງອົງການສະຫະປະຊາຊາດນໍາອີກດ້ວຍ. ທັງນີ້ຄະນະກໍາມະການຂອງສະຫະປະຊາຊາດກໍາລັງພິຈາລະນາເລື່ອງດັ່ງກ່າວ.

ແຫຼ່ງຂ່າວ: Thainews