ເຈົ້າໜ້າທີ່ຕໍາຫຼວດນູແວນເຊລັງ ໄດ້ເຂົ້າຈັບກຸມໄວໜຸ່ມສອງຄົນ ໃນຂະນະທີ່ພວກເຂົາກໍາລັງລັກນໍາເອົາໄກ່ທອດຈໍານວນຫຼາຍເພື່ອຂົນເຂົ້າໄປໃນເມືອງໂອກແລນ ເຊິ່ງເປັນເມືອງທີ່ມີການລັອກດາວຂັ້ນສູງສຸດເພື່ອປ້ອງກັນການແຜ່ລະບາດຂອງພະຍາດໂຄວິດ-19 ສາຍພັນເດລຕາ.
ໄວໜຸ່ມທັງສອງຄົນໄດ້ເດີນທາງມາຈາກເຂດແຮມິນຕັນທີ່ຕັ້ງຢູ່ຫ່າງຈາກເມືອງໂອກແລນປະມານ 120 ກິໂລແມັດ ເຊິ່ງໃນມື້ເກີດເຫດເຈົ້າໜ້າທີ່ຕໍາຫຼວດໄດ້ໂບກລົດຂອງທັງສອງຄົນເພື່ອຂໍກວດລົດ ແຕ່ວ່າໄວໜຸ່ມທັງສອງຄົນໄດ້ຂັບລົດຫຼົບໜີໄປໃນທັນທີ. ຢ່າງໃດກໍຕາມ ສຸດທ້າຍຕໍາຫຼວດກໍສາມາດຄວບຄຸມໂຕຂອງໄວໜຸ່ມທັງສອງຄົນໄດ້ ແລະ ກວດເຫັນໄກ່ທອດ KFC ເປັນຈໍານວນຫຼາຍກ່ອງ ແລະ ເງິນສົດປະມານ 100,000 ດອລລານູແວນເຊລັງ (ປະມານ 600,000,000 ກີບ) ຢູ່ໃນລົດ ເຊິ່ງເຈົ້າໜ້າທີ່ຄາດການວ່າທັງສອງຈະນໍາເອົາໄກ່ທອດເຂົ້າໄປຂາຍຢູ່ໃນຕົວເມືອງ.
ແຫຼ່ງຂ່າວ: Khaosod