ເວັບໄຊ້ Thairath ໄດ້ລາຍງານວ່າ: ໃນວັນທີ 15 ກັນຍາ 2021 ທີ່ຜ່ານມາໄດ້ມີຂ່າວວ່າຮອງຜູ້ນໍາຂອງຕາລີບານ ແລະ ເປັນຮອງນາຍົກລັດຖະມົນຕີຄົນໃໝ່ຂອງອັພການິດສະຖານເກີດມີຄວາມຂັດແຍ້ງກັບສະມາຊິກຄະນະລັດຖະມົນຕີຄົນອື່ນໆຢ່າງຮຸນແຮງທີ່ສໍານັກງານປະທານາທິບໍດີກ່ຽວກັບໂຄງສ້າງຂອງລັດຖະບານຊົ່ວຄາວ.
ຫຼັງຈາກເກີດເຫດການໂຕ້ຖຽງກັນດັ່ງກ່າວ ຮອງຜູ້ນໍາຕາລີບານຄົນນັ້ນກໍໄດ້ຫາຍໂຕໄປ ເຊິ່ງມີຄົນບອກວ່າລາວໄດ້ໜີອອກຈາກຸງຄາບູ ມຸ່ງໜ້າໄປເມືອງກັນດາຮາ ເຊິ່ງເປັນເມືອງໃຫຍ່ອັນດັບທີ 2 ຂອງອັພການິດສະຖານທີ່ຕັ້ງຢູ່ທາງພາກໃຕ້ຂອງປະເທດ.
ທາງດ້ານເຈົ້າໜ້າທີ່ອາວຸໂສຂອງຕາລີບານໄດ້ຢືນຢັນວ່າເກີດມີການຂັດແຍ້ງກັນຢ່າງແທ້ຈິງເມື່ອອາທິດກ່ອນ ໂດຍຄວາມຂັດແຍ່ງດັ່ງກ່າວເກີດຂຶ້ນຈາກສາເຫດທີ່ຮອງຜູ້ນໍາຂອງຕາລີບານບໍ່ພໍໃຈໃນໂຄງສ້າງຂອງລັດຖະບານຊົ່ວຄາວ. ນອກຈາກນັ້ນ, ຍັງມີຄວາມເຫັນຕ່າງກັນໃນເລື່ອງອື່ນອີກເຊັ່ນ: ໃຜຈະເປັນຜູ້ຮັບຄຸນງາມຄວາມດີໃນໄຊຊະນະຂອງຕາລີບັນໃນຄັ້ງນີ້ ຈຶ່ງເຮັດໃຫ້ເກີດມີການຂັດແຍ່ງດັ່ງກ່າວເກີດຂຶ້ນໃນກອງປະຊຸມ.