ເວັບໄຊ CNBC ລາຍງານ: ທ່ານ ວາລາດີເມຍ ປູຕິນ, ປະທານາທິບໍດີຣັດເຊຍ ໄດ້ກັກໂຕເອງເພື່ອຕິດຕາມອາການ ພາຍຫຼັງສະມາຊິກໃນກຸ່ມຄະນະຜູ້ແທນຫຼາຍຄົນຕິດໂຄວິດ-19 ເຖິງແມ່ນທ່ານຈະມີສຸຂະພາບແຂງແຮງ ທັງ ບໍ່ມີພະຍາດປະຈຳຕົວ ແລະ ຜົນກວດໂຄວິດຈະອອກມາເປັນລົບກໍຕາມ.
ປະທານາທິບໍດີປູຕິນ ໄດ້ປຶກສາກັບທ່ານໝໍ ທັງຕັດສິນໃຈແຍກຕົນເອງພາຍຫຼັງພົບປະກັບປະທານາທິບໍດີຊີເຣຍໃນມື້ວັນຈັນຜ່ານມາ ພ້ອມຍົກເລີກການເດີນທາງໄປທາຈິກິສຖານ ເພື່ອເຂົ້າຮ່ວມກອງປະຊຸມດ້ານຄວາມໝັ້ນຄົງລະດັບພາກພື້ນທີ່ຈະຈັດຂຶ້ນໃນອາທິດນີ້ ແຕ່ຈະເຂົ້າຮ່ວມກອງປະຊຸມທາງວີດີໂອແທນ ເຊິ່ງການຕັດສິນໃຈແຍກຕົນເອງຂອງຜູ້ນຳຣັສເຊຍຄັ້ງນີ້ເພື່ອຫວັງໃຫ້ທ່ານມີສຸຂະພາບແຂງແຮງ ແລະ ຢູ່ຫ່າງໄກຈາກໄພໂຄວິດ.
ຢ່າງໃດກໍຕາມ, ການກັກໂຕເອງຂອງປະທານາທິບໍດີປູຕິນ ບໍ່ໄດ້ສົ່ງຜົນກະທົບໂດຍກົງຕໍ່ໜ້າວຽກຂອງທ່ານ ພຽງແຕ່ບໍ່ສາມາດດຳເນີນການພົບປະແບບຕົວຕໍ່ຕົວໄດ້ໄລຍະໜຶ່ງເທົ່ານັ້ນ.