ເວັບໄຊຂ່າວສົດລາຍງານ: ເຈົ້າໜ້າທີ່ຕຳຫຼວດໄທໄດ້ເຂົ້າຈັບກຸມກຸ່ມໄວຮຸ່ນ 18 ຄົນທີ່ກຳລັງສະຫຼອງງານວັນເກີດ ຢູ່ພູລວິນລາແຫ່ງໜຶ່ງຂອງແຂວງຊົນບູລີ ຂໍ້ຫາລະເມີດມາດຕະການສຸກເສີນຂອງລັດຖະບານໄທ ພ້ອມມີຢາເສບຕິດໄວ້ຄອບຄອງ ໃນນັ້ນມີຄົນລາວຮ່ວມວົງນຳ 7 ຄົນ ແລະ ເຈົ້າຂອງວັນເກີດກໍເຄີຍຕິດເຊື້ອໂຄວິດ-19 ມາກ່ອນ.
ເຈົ້າໜ້າທີ່ຕຳຫຼວດເປີດເຜີຍວ່າ: ໃນວັນທີ 1 ກັນຍາຜ່ານມາ ມີພົນລະເມືອງດີໄດ້ໂທແຈ້ງວ່າມີໄວຮຸ່ມຫຼາຍຄົນລວມໂຕກັນຈັດງານວັນເກີດ ເຊິ່ງມີຄົນລາວຮ່ວມວົງນຳ, ທາງເຈົ້າໜ້າທີ່ຈິ່ງໄດ້ລົງກວດສອບພືນທີ່ ພົບໄວຮຸ່ນ 18 ຄົນ ເຊິ່ງເປັນຄົນໄທ 11 ຄົນ ແລະ ຄົນລາວ 7 ຄົນ ພ້ອມຢາເສບຕິດປະເພດຢາໄອ ມີນໍ້າໜັກ 0.51 ກຼາມ, ຢາອີ 4 ເມັດ,ຢາເຄຕາມິນ 0.25 ກຼາມ ແລະ ອຸປະກອນເສບຢາ ທັງກວດພົບນໍ້າປັດສະວະສີມ່ວງ 7 ຄົນ ໃນນັ້ນ 2 ຄົນເປັນຄົນລາວ.
ເຈົ້າໜ້າທີ່ໄດ້ນຳຕົວພວກກ່ຽວເຂົ້າກວດຫາເຊື້ອໂຄວິດ-19 ກ່ອນຈະດຳເນີນການຕາມຂັ້ນຕອນຂອງກົດໝາຍຕໍ່ໄປ.