spot_img
Homeຂ່າວຕ່າງປະເທດພໍ່ຕູ້ ອາຍຸ 71 ປີ ຖືກແຂ້ກັດພ້ອມຫາຍສາບສູນໃນລັດຫຼຸຍເຊຍນາ ສະຫະລັດ ຫຼັງພະຍຸໄອດາພັດຖະຫຼົ່ມ

ພໍ່ຕູ້ ອາຍຸ 71 ປີ ຖືກແຂ້ກັດພ້ອມຫາຍສາບສູນໃນລັດຫຼຸຍເຊຍນາ ສະຫະລັດ ຫຼັງພະຍຸໄອດາພັດຖະຫຼົ່ມ

Published on

ເວັບໄຊ NBC ລາຍງານ: ຊາຍຊະລາໄວ 71 ປີຖືກແຂ້ກັດບາດເຈັບສາຫັດ ຂະນະຍ່າງລຸຍນໍ້າຖ້ວມພາຍຫຼັງພະຍຸເຮີຣີເຄນໄອດາພັດຖະຫຼົ່ມເຂົ້າລັດຫຼຸຍເຊຍນາ, ສະຫະລັດອາເມລິກາ ຈົນເຮັດໃຫ້ເກີດນໍ້າຖ້ວມ ເຊິ່ງເຈົ້າໜ້າທີ່ສັນນິຖານວ່າຊາຍຄົນນັ້ນອາດເສຍຊີວິດແລ້ວ ເນື່ອງຈາກຫາຕົວບໍ່ພົບ.

ເມຍຂອງຊາຍຊະລາກ່າວຕໍ່ເຈົ້າໜ້າທີ່ວ່າ ຊາຍຜູ້ເຄາະຮ້າຍໄດ້ຍ່າງລຸຍນໍ້າຖ້ວມໃນຊ່ວງຕອນທ່ຽງຢູ່ບໍລິເວນເຂດເຮືອນຂອງຕົນເອງ ໃນວັນທີ 30 ສິງຫາ ແລ້ວກໍມີແຂ້ໃຫຍ່ໂຕໜຶ່ງເຊິ່ງຄາດວ່າຈະມາພ້ອມກັບນໍ້າຖ້ວມເຂົ້າຈູ່ໂຈມພ້ອມກັດຊາຍຄົນດັ່ງກ່າວຈົນໄດ້ຮັບບາດເຈັບສາຫັດ ເມື່ອຜູ້ເປັນເມຍເຫັນກໍຮີບຮ້ອນເຂົ້າຊ່ວຍສາມີທັງປະຄອງຄົນເຈັບມານອນລໍຖ້າຢູ່ຂັ້ນໄດເຮືອນ ກ່ອນຈະອອກໄປຂໍຄວາມຊ່ວຍເຫຼືອຈາກເພື່ອນບ້ານ ແຕ່ພໍກັບມາເຮືອນກໍບໍ່ພົບຊາຍຄົນນັ້ນອີກ.

ເຈົ້າໜ້າທີ່ໄດ້ຂີ່ເຮືອລາດຕາເວນຕາມສາຍນໍ້າເພື່ອຊອກຫາຊາຍຄົນດັ່ງກ່າວ ແຕ່ກໍບໍ່ພົບແມ່ນແຕ່ຮອຍ ຈິ່ງໄດ້ຮຽກຮ້ອງໃຫ້ປະຊາຊົນໃນເຂດດັ່ງກ່າວເພີ່ມຄວາມລະມັດລະວັງໃນການຍ່າງລຸຍນໍ້າຖ້ວມ ເນື່ອງຈາກວ່າຝູງສັດຮ້າຍອາດຈະພາກັນເຄື່ອນຍ້າຍ ພ້ອມລີ້ຊ້ອນຕາມພື້ນທີ່ນໍ້າຖ້ວມ.

ບົດຄວາມຫຼ້າສຸດ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...

ນໍ້າຖ້ວມຂັງໃນຕົວເມືອງ ນວ ໃນ ໄລຍະລະດູຝົນ ເກີດຈາກຫຼາຍປັດໄຈ

ບັນຫານ້ຳຖ້ວມຂັງໃນຕົວເມືອງ-ຖ້ວມຖະໜົນຫົນທາງ ໃນນະຄອນຫຼວງວຽງຈັນ(ນວ) ໃນລະດູຝົນ ແມ່ນບັນຫາໜຶ່ງທີ່ເກີດຂຶ້ນເປັນປະຈຳທຸກໆປີ, ສ້າງຄວາມຫຍຸ້ງຍາກໃຫ້ແກ່ການດໍາລົງຊີວິດ ແລະ ຊັບສິນຂອງປະຊາຊົນ ເຮັດໃຫ້ການສັນຈອນເດີນທາງໄປມາ ມີຄວາມຫຍຸ້ງຍາກ ແລະ ສ້າງພາບພົດທີ່ບໍ່ດີ ໃຫ້ແກ່ການຈັດຕັ້ງລັດ ແລະ ອື່ນໆ. ທ່ານ...

ຍອດຜູ້ເສຍຊີວິດພຸ່ງຂຶ້ນ 109 ຄົນ ຈາກເຫດການນ້ຳຖ້ວມຮຸນແຮງໃນລັດເທັກຊັດ ສ.ອາເມລິກາ

ຍອດຜູ້ເສຍຊີວິດຈາກເຫດການນ້ຳຖ້ວມກະທັນຫັນໃນລັດເທັກຊັດ ເພີ່ມຂຶ້ນຢ່າງນ້ອຍ 109 ຄົນ ແລະ ເຈົ້າໜ້າທີ່ກຳລັງເລັ່ງດຳເນີນການຄົ້ນຫາຜູ້ສູນຫາຍອີກ 160 ຄົນ. ສຳນັກຂ່າວຕ່າງປະເທດລາຍງານ: ຍອດຜູ້ເສຍຊີວິດຈາກເຫດການນ້ຳຖ້ວມໃນລັດເທັກຊັດ ສ.ອາເມລິກາ ຕັ້ງແຕ່ວັນທີ 4 ກໍລະກົດ 2025...

ຜູ້ນຳສະຫະລັດ ບັນລຸຂໍ້ຕົກລົງກັບຫວຽດນາມ ຈະເກັບພາສີສິນຄ້ານຳເຂົ້າຈາກຫວຽດນາມ 20%

ໂດນັລ ທຣຳ ຜູ້ນຳສະຫະລັດເປີດເຜີຍວ່າ ໄດ້ບັນລຸຂໍ້ຕົກລົງກັບຫວຽດນາມແລ້ວ ໂດຍສະຫະລັດຈະເກັບພາສີສິນຄ້ານຳເຂົ້າຈາກຫວຽດນາມ 20% ຂະນະທີ່ສິນຄ້າຈາກປະເທດທີ 3 ສົ່ງຜ່ານຫວຽດນາມຈະຖືກເກັບພາສີ 40% ສຳນັກຂ່າວບີບີຊີລາຍງານໃນວັນທີ 3 ກໍລະກົດ 2025 ນີ້ວ່າ:...