ທ່າມກາງການແຜ່ລະບາດຂອງພະຍາດໂຄວິດ-19 ໃນ ສປປ ລາວ ເຫັນໄດ້ວ່າມີແນວໂນ້ມທີ່ເພີ່ມສູງຂຶ້ນທັງກໍລະນີທີ່ຕິດເຊື້ອໃນຊຸມຊົນ ແລະ ກໍລະນີນໍາເຂົ້າຈາກປະເທດເພື່ອນບ້ານ ເຊິ່ງເຮັດໃຫ້ມີຜູ້ເສຍຊີວິດສະສົມໃນປັດຈຸບັນນີ້ລວມເປັນຈໍານວນ 10 ກໍລະນີ.
ໃນວັນທີ 19 ສິງຫາ 2021 ໄດ້ພົບຜູ້ເສຍຊີວິດ ເປັນກໍລະນີທີ 10 ຂອງ ສປປ ລາວ ຈາກແຂວງສະຫວັນນະເຂດ ເປັນເພດຊາຍ ອາຍຸ 55 ປີ ເປັນແຮງງານທີ່ເດີນທາງກັບມາຈາກປະເທດໄທ ທີ່ໄດ້ເຂົ້າປິ່ນປົວຢູ່ສູນຫຼັກ 9 ແລະ ທາງໜ່ວຍກູ້ໄພສະຫວັນນະເຂດຮ່ວມກັບຄະນະສະເພາະກິດກໍໄດ້ມ້ຽນສົບຂອງຜູ້ເສຍຊີວິດເປັນທີ່ຮຽບຮ້ອຍແລ້ວ. ສໍາລັບລາຍລະອຽດການເສຍຊີວິດເພີ່ມເຕີມແມ່ນຈະແຈ້ງພາຍຫຼັງ.
