ນິວຊີແລນ ປະກາດລັອກດາວຂັ້ນສູງສຸດ ທັງປະເທດ 3 ມື້ ຫຼັງຈາກພົບຜູ້ຕິດເຊື້ອໂຄວິດ 1 ຄົນ ຫຼັງຈາກບໍ່ມີລາຍງານຜູ້ຕິດເຊື້ອເປັນເວລາ 6 ເດືອນ,ນາຍົກລັດຖະມົນຕີ ນິວຊີແລນແຈ້ງຕ້ອງໃຊ້ມາດຕະການເຂັ້ມງວດຢ່າງດ່ວນ.
ວັນທີ 17 ສິງຫາ ເວັບໄຊ້ ABC News ລາຍງານວ່າ: ທ່ານ ນາງ ຈາຊິນດາ ອາດເດີນ (Jacinda Ardern) ນາຍົກລັດຖະມົນຕີ ນິວຊີແລນ ປະກາດລັອກດາວທົ່ວປະເທດ ເປັນເວລາ 3 ມື້ ນັບແຕ່ທ່ຽງຄືນ ຂອງເວລາທ້ອງຖິ່ນເປັນຕົ້ນໄປ.
ພ້ອມທັງຢືນຢັນວ່າ: ຜູ້ປ່ວຍດັ່ງກ່າວ ແມ່ນຕິດເຊື້ອສາຍພັນເດວຕ້າ ເຊິ່ງມີແນວໂນ້ມຮຸນແຮງ ແລະແຜ່ເຊື້ອໄດ້ງ່າຍ, ດັ່ງນັ້ນ ລັດຖະບານຕ້ອງປະຕິບັດມາດຕະການປ້ອງກັນ ແລະ ສະກັດກັ້ນຢ່າງເຂັ້ມງວດ ໃຫ້ທັນການຢ່າງໄວທີ່ສຸດ ເພາະທີ່ຜ່ານມາການປະຕິບັດແບບນີ້ແມ່ນປະສົບຜົນສຳເລັດຕະຫຼອດ ໃນນິວຊີແລນ.
ສຳລັບມາດຕະການລັອກດາວແມ່ນ ປະຊາຊົນ ສາມາດອອກໄປຂ້າງນອກໄດ້ສະເພາະໄປຊື້ເຄື່ອງ ແລະ ອອກກຳລັງກາຍເຂດບໍລິເວນໃກ້ບ້ານ ເທົ່ານັ້ນ.
ເຊິ່ງຜູ້ຕິດເຊື້ອໂຄວິດ 1 ຄົນ ນັ້ນແມ່ນເພດຊາຍ ອາຍຸ 58 ປີ ເລີ່ມມີອາການວັນທີ 14 ສິງຫາ ທີ່ຜ່ານມາ ການສອບຖາມແມ່ນຍັງບໍ່ຮູ້ແຫຼ່ງທີ່ມາຂອງເຊື້ອມາແຕ່ໃສ.