ວັນທີ 6 ກໍລະກົດ 2021 ທີ່ຜ່ານມາ ໜັງສືພິມວໍສະຕຣີດນັນ ລາຍງານວ່າ ຟາເຣດຕິນ ໂຄກາ ລັດຖະມົນຕີກະຊວງສາທາລະນະສຸກຂອງຕວັກກີ ບອກວ່າ ຈະເລີ່ມສັກວັກຊີນໂດສທີ່ 3 ໃຫ້ກັບບຸກຄະລາກອນທາງການແພດ ແລະ ຄົນທີ່ອາຍຸຫຼາຍກວ່າ 50 ປີ ໂດຍທີ່ຕວັກກີໃຊ້ທັງວັກຊີນຂອງໄຟເຊີ້ ແລະ ຊີໂນຟາມ ເຊິ່ງປະຊາຊົນສາມາດເລືອກເອງໄດ້ ໂດຍບໍ່ຈໍາເປັນຕ້ອງເປັນວັກຊີນດຽວກັບທີ່ໄດ້ຮັບໃນ 2 ໂດສທີ່ຜ່ານມາ.

ຕວັກກີບໍ່ແມ່ນປະເທດທໍາອິດທີ່ເຮັດແບບນີ້ ປະເທດບາເຣນ ເລີ່ມໃຫ້ວັກຊີນໄຟເຊີ້ໂດສທີ່ 3 ສໍາລັບຄົນທີ່ໄດ້ຮັບວັກຊີນຊີໂນຟາມໄປ 2 ໂດສແລ້ວ.

ຄະນະກໍາມະການຮ່ວມ ໄດ້ແຈ້ງວ່າ ຄົນທີ່ຄວນຈະໄດ້ຮັບວັກຊີນໂດສທີ່ 3 ຄວນເປັນ ຜູ້ໃຫຍ່ທີ່ມີອາຍຸຫຼາຍກວ່າ 50 ປີ, ຜູ້ໃຫຍ່ທີ່ມີອາຍຸ 16-49 ປີ ທີ່ຢູ່ໃນກຸ່ມສ່ຽງຈາກໄຂ້ວັດໃຫຍ່ ແລະ ໂຄວິດ-19, ຜູ້ໃຫຍ່ທຸກຄົນທີ່ໃກ້ຊິດກັບຜູ້ປ່ວຍທີ່ມີພູມຄຸ້ມກັນຕໍ່າ

ສໍາລັບໄວໜຸ່ມທີ່ໄດ້ຮັບວັກຊີນທັງ 2 ໂດສແລ້ວ ແມ່ນຍັງມີພູມຄຸ້ມກັນຢູ່ ດັ່ງນັ້ນ, ກໍຈະພິຈາລະນາໃຫ້ວັກຊີນໂດສທີ 3 ໃນພາຍຫຼັງ.