spot_img
Homeຂ່າວຕ່າງປະເທດຊາຍຊາວດັຊຮ້ອງຂໍຄວາມຊ່ວຍເຫຼືອ ຫຼັງຈາກຫຼົງກືນກະແຈລົດຂອງຕົນເອງ

ຊາຍຊາວດັຊຮ້ອງຂໍຄວາມຊ່ວຍເຫຼືອ ຫຼັງຈາກຫຼົງກືນກະແຈລົດຂອງຕົນເອງ

Published on

ເວັບໄຊ້ Khaosod ໄດ້ລາຍງານວ່າ: ເມື່ອວັນທີ 10 ສິງຫາ 2021 ທີ່ຜ່ານມາ ໄດ້ມີນັກທ່ອງທ່ຽວຊາວດັຊທີ່ໄດ້ເດີນທາງມາທ່ອງທ່ຽວປະເທດແອັດສະປາຍກັບຄອບຄົວ ກ່ອນທີ່ຈະເສຍຊີວິດ ພຽງເພາະການສື່ສານກັນທີ່ບໍ່ເຂົ້າໃຈ.

ນັກທ່ອງທ່ຽວຄົນນີ້ເປັນຊາຍ ອາຍຸ 37 ປີ ທີ່ໄດ້ກືນກະແຈລົດຂອງຕົນເອງລົງໄປໂດຍບໍ່ໄດ້ຕັ້ງໃຈໃນຂະນະທີ່ໄປທ່ຽວພັກຜ່ອນທີ່ບາເຊວໂລນາ ໂດຍເຂົາໄດ້ເຂົ້າໄປໃນສູນການຄ້າແຫ່ງໜຶ່ງໃນເຂດຊາເຣຍ-ຊານ ເຈີຊິວາ ເພື່ອຂໍຄວາມຊ່ວຍເຫຼືອ ແຕ່ພັດຖືກເຈົ້າໜ້າທີ່ຮັກສາຄວາມປອດໄພໄລ່ອອກມາ ພຽງເພາະວ່າພວກເຂົາບໍ່ເຂົ້າໃຈໃນສິ່ງທີ່ນັກທ່ອງທ່ຽວຄົນນີ້ເວົ້າ ກ່ອນທີ່ຊາຍຄົນດັ່ງກ່າວຈະເປັນລົມໝົດສະຕິທີ່ດ້ານນອກຂອງສູນການຄ້າ ແລະ ເຈົ້າໜ້າທີ່ຮັກສາຄວາມປອດໄພກໍໄດ້ພະຍາຍາມຊ່ອຍຊີວິດຂອງເຂົາໃນເບື້ອງຕົນກ່ອນທີ່ໝໍຈະມາຮອດ ແລະ ພົບວ່າມີກະແຈລົດຕິດຢູ່ໃນຄໍຂອງຊາຍຄົນດັ່ງກ່າວ.

ໂດຍທາງທີມໝໍໄດ້ພະຍາຍາມເອົາກະແຈລົດອອກຈາກຄໍ ແລະ ພະຍາຍາມເຮັດໃຫ້ອາການຂອງຊາຍຄົນດັ່ງກ່າວຄົງທີ່ ແລະ ນໍາສົ່ງໄປໂຮງໝໍ ແຕ່ວ່າຫຼັງຈາກນັ້ນບໍ່ດົນເຂົາກໍເສຍຊີວິດລົງໃນທີ່ສຸດ.

ເຖິງຢ່າງໃດກໍຕາມໃນເບື້ອງຕົນຍັງບໍ່ຮູ້ສາເຫດວ່າເປັນຫຍັງນັກທ່ອງທ່ຽວຄົນນີ້ຈຶ່ງໄດ້ກືນກະແຈລົດຂອງຕົນເອງ ແລະ ຄະດີດັ່ງກ່າວຢູ່ໃນຄວາມດູແລຂອງເຈົ້າໜ້າທີ່ຕໍາຫຼວດບາເຊລໂລນາ ແລະ ທາງເຈົ້າໜ້າທີ່ກໍໄດ້ໃຫ້ການສະໜັບສະໜຸນແກ່ຄອບຄົວຂອງຜູ້ເສຍຊີວິດ ພ້ອມທັງແຈ້ງເລື່ອງໃຫ້ແກ່ສະຖານທູດດັຊ ແລະ ສະພາເມືອງບາເຊລໂລນາຕໍ່ກັບເຫດການທີ່ເກີດຂຶ້ນ.

ບົດຄວາມຫຼ້າສຸດ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...