Homeຂ່າວພາຍ​ໃນຫຼາຍຄົນຂ້ອງໃຈເລື່ອງການໃຊ້ຜ້າປິດປາກ-ດັງ ໃນຫ້ອງປະຊຸມ

ຫຼາຍຄົນຂ້ອງໃຈເລື່ອງການໃຊ້ຜ້າປິດປາກ-ດັງ ໃນຫ້ອງປະຊຸມ

Published on

ປະຊາຊົນຫຼາຍຄົນມີຄວາມຂ້ອງໃຈກ່ຽວກັບການນຳໃຊ້ຜ້າປິດປາກ-ດັງ ພ້ອມການຮັກສາໄລຍະຫ່າງທາງສັງຄົມ ໃນຫ້ອງປະຊຸມ ຫຼື ໃນເວລາຖ່າຍຮູບລວມກຸ່ມ ເພາະບາງຮູບພາບທີ່ໂພສລົງທາງສື່ໂຊຊຽວຈຳນວນໜຶ່ງແມ່ນບໍ່ມີການໃສ່ຜ້າປິດປາກ-ດັງ ຫຼື ເວັ້ນໄລຍະຫ່າງທາງສັງຄົມແຕ່ຢ່າງໃດ.

ທ່ານຜູ້ອ່ານບໍ່ປະສົງອອກນາມຄົນໜຶ່ງຢູ່ນະຄອນຫຼວງວຽງຈັນກ່າວວ່າ: ຕາມທີ່ສັງເກດເຫັນເວລາຈັດກອງປະຊຸມ ຫຼື ງານຊຸມນຸມສຳຄັນບາງຢ່າງ ຜູ້ຄົນຈຳນວນໜຶ່ງຖືເບົາເລື່ອງການໃສ່ຜ້າປິດປາກ-ດັງ ແລະ ການຮັກສາໄລຍະຫ່າງທາງສັງຄົມ ໂດຍສະເພາະໃນເວລາຖ່າຍຮູບໂພສລົງໂຊຊຽວ ເຊິ່ງຕ້ອງໄດ້ຢືນແບບໃກ້ຊິດກັນ ທັງບໍ່ໃສ່ຜ້າປິດປາກ, ເຖິງແມ່ນສະພາບການແຜ່ລະບາດຂອງໂຄວິດ-19 ໃນຊຸມຊົນໃນປະເທດຂອງພວກເຮົາຈະຍັງບໍ່ຫຼາຍ ເມື່ອທຽບກັບປະເທດອ້ອມຂ້າງ ແຕ່ກໍບໍ່ຄວນຖືເບົາ ຫຼື ເບິ່ງຂ້າມໃນເລື່ອງນີ້.

ນາງ ລັດສະໝີ, ພະນັກງານຢູ່ນະຄອນຫຼວງວຽງຈັນກໍກ່າວວ່າ: ການໃສ່ຜ້າປິດປາກ-ດັງ ແມ່ນມີຄວາມສຳຄັນຫຼາຍ ໂດຍສະເພາະໃນຫ້ອງປະຊຸມ ຫຼື ພົບປະສຳຄັນທີ່ມີຄົນຈຳນວນຫຼາຍ, ແມ່ນແຕ່ຜູ້ນຳລະດັບສູງ ເພິ່ນກໍຍັງໃສ່ຜ້າປິດປາກ-ດັງຕະຫຼອດເວລາ ບໍ່ສະເພາະໃນຊ່ວງຂອງການດຳເນີນກອງປະຊຸມ ຫຼື ແມ່ນແຕ່ເວລາຖ່າຍຮູບຮ່ວມກັນ ເຊິ່ງພວກເຮົາຄວນເອົາເປັນແບບຢ່າງ ແລະບໍ່ຄວນເບິ່ງຂ້າມ. ອີກຢ່າງໜຶ່ງ, ບາງຄົນມັກຄິດວ່າ ຕົນເອງສັກວັກຊີນປ້ອງກັນໂຄວິດຄົບທັງ 2 ເຂັມແລ້ວຈິ່ງເຊື່ອວ່າຕົນປອດໄພ, ຄວາມຄິດດັ່ງກ່າວແມ່ນຜິດພາດທີ່ສຸດ ເຖິງແມ່ນຈະສັກວັກຊີນຄົບສອງເຂັມ ແຕ່ກໍຍັງມີໂອກາດສ່ຽງຕໍ່ການຕິດເຊື້ອໄດ້ເຊັ່ນກັນ.

ສະນັ້ນ, ຈິ່ງຮຽກຮ້ອງມາຍັງທຸກໆຄົນບໍ່ຄວນເບິ່ງຂ້າມໃນການໃຊ້ຜ້າປິດປາກ-ດັງ ແລະການຮັກສາໄລຍະຫ່າງທາງສັງຄົມ ເພາະພວກເຮົາບໍ່ຮູ້ເລີຍວ່າ ເຊື້ອອັນຕະລາຍນັ້ນມັນຈະປາກົດຕົວຢູ່ໃສ ແລະ ຈະມາຕິດແປດສູ່ຮ່າງກາຍພວກເຮົາເມື່ອໃດ, ການປ້ອງກັນຕົນເອງຂັ້ນຕົ້ນຈິ່ງເປັນສິ່ງສຳຄັນ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...