Homeຂ່າວຕ່າງປະເທດອົດສະຕຣາລີຂະຫຍາຍເວລາລັອກດາວຍ້ອນສາຍພັນເດລຕ້າລະບາດໃນຊິດນີ

ອົດສະຕຣາລີຂະຫຍາຍເວລາລັອກດາວຍ້ອນສາຍພັນເດລຕ້າລະບາດໃນຊິດນີ

Published on

ສຳນັກຂ່າວ Reuters ລາຍງານ: ທາງການອົດສະຕຣາລີໄດ້ເຕືອນປະຊາຊົນຊິດນີ, ລັດນິວເຊົາທ໌ເວວສ໌ ໃຫ້ກຽມພ້ອມຮັບມືກັບການລະບາດຂອງໂຄວິດ-19 ທີ່ອາດເພີ່ມສູງຂຶ້ນ ພາຍຫຼັງມີການລາຍງານການຕິດເຊື້ອໃນຊິດນີເຖິງ 500 ກວ່າຄົນໃນເວລາພຽງສອງວັນຕິດຕໍ່ກັນ ເຖິງແມ່ນຈະມີການປິດເມືອງຫຼາຍອາທິດເພື່ອປ້ອງກັນການລະບາດຂອງສາຍພັນເດລຕ້າກໍຕາມ.

ສະເພາະເມືອງຊິດນີມີລາຍງານຜູ້ຕິດເຊື້ອໂຄວິດ-19 ພາຍໃນ 24 ຊົ່ວໂມງເຖິງ 279 ຄົນ, ເສຍຊີວິດເພີ່ມ 1 ຄົນ ເຮັດໃຫ້ຍອດຜູ້ເສຍຊີວິດໃນລັດນິວເຊົາທ໌ເວວສ໌ລວມເປັນ 22 ຄົນ. ປັດຈຸບັນຜູ້ຕິດເຊື້ອ ທີ່ກຳລັງປິ່ນປົວຢູ່ໂຮງໝໍໃນລັດນິວເຊົາທ໌ເວວສ໌ ມີ 304 ຄົນ, ຄົນເຈັບທີ່ມີອາການໜັກ 50 ຄົນ ແລະ ອີກ 22 ຄົນແມ່ນຕ້ອງການເຄື່ອງຊ່ວຍຫາຍໃຈ.

ຫຼ້າສຸດທາງການອົດສະຕຣາລີ ປະກາດຂະຫຍາຍເວລາລັອກດາວຕື່ມອີກໃນສາມເມືອງໃຫຍ່ຂອງປະເທດ ເຊັ່ນ: ຊິດນີ, ເມວເບິ້ນ ແລະ ບຣິສເບນ ເພື່ອປ້ອງກັນການແຜ່ລະບາດຂອງສາຍພັນເດລຕ້າ ບໍ່ໃຫ້ຂະຫຍາຍອອກສູ່ບໍລິເວນກວ້າງ.

ຢ່າງໃດກໍຕາມ, ອົດສະຕຣາລີຍັງໄດ້ອອກກົດໝາຍຄວບຄຸມຊາຍແດນຢ່າງເຂັ້ມງວດ ເຊິ່ງກຳນົດໃຫ້ປະຊາຊົນຍື່ນຄຳຮ້ອງຂໍອະນຸຍາດເດີນທາງອອກນອກປະເທດ ແລະ ຍັງມີການຈຳກັດຈຳນວນນັກທ່ອງທ່ຽວທີ່ເດີນທາງເຂົ້າປະເທດບໍ່ໃຫ້ເກີນ 3.000 ຄົນຕໍ່ອາທິດ ພ້ອມທັງມີການກັກໂຕໃຫ້ຄົບ 14 ວັນຢ່າງເຂັ້ມງວດ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...