Embassy of Japan in Laos ສະຖານທູດຍີ່ປຸ່ນປະຈໍາ ສປປລາວ ໄດ້ໃຫ້ຮູ້ວ່າ: ໃນວັນທີ 3 ສິງຫາ ທີ່ຜ່ານມາ ລັດຖະບານຍີ່ປຸ່ນ ໄດ້ຕັດສິນໃຈໃນກອງປະຊຸມຍີ່ປຸ່ນ ຂອງຄະນະລັດຖະບານວ່າ ເຫັນດີຊ່ວຍເຫຼືອລັດຖະບານລາວໃນພາວະສຸກເສີນ ລວມມີ ເຄື່ອງຜະລິດອົກຊິເຈນ ຈຳນວນ 100 ເຄື່ອງ, ເຄື່ອງດູດຂີ້ສະເຫຼດ 100 ເຄື່ອງ, ເຄື່ອງຕິດຕາມອາການຊີວິດ 100 ເຄື່ອງ ເຊິ່ງເປັນມູນຄ່າ 710,000 ໂດລາສະຫະລັດ.
ໃນຕົ້ນເດືອນ ທີ່ຜ່ານມາ, ລັດຖະບານຍີ່ປຸ່ນໄດ້ປະກາດຢ່າງເປັນທາງການ ວ່າຈະສົ່ງວັກຊີນ Astrazeneca ຈຳນວນ 600,000 ໂດສ ໃຫ້ແກ່ລາວ ເຊິ່ງປັດຈຸບັນ ວັກຊີນດັ່ງກ່າວ ກຳລັງເດີນທາງມາ ສປປ ລາວ ແລ້ວ ແລະ ຈະມາຮອດໃນໄວໆນີ້.
ລັດຖະບານຍີ່ປຸ່ນຈະຄອຍຊ່ວຍເຫຼືອ ສປປ ລາວ ໃຫ້ຜ່ານພົ້ນວິກິດໂຄວິດ ຄັ້ງນີ້ໄປໃຫ້ໄດ້.