spot_img
Homeຂ່າວຕ່າງປະເທດລາຍງານກໍລະນີ ຄົນໄທ 7 ເກັບເຫັດ ແລ້ວໄດ້ສັກວັກຊີນຈາກລາວ

ລາຍງານກໍລະນີ ຄົນໄທ 7 ເກັບເຫັດ ແລ້ວໄດ້ສັກວັກຊີນຈາກລາວ

Published on

ລາຍງານກໍລະນີປະຊາຊົນໄທຫຼົງປ່າເຂົ້າມາເກັບເຫັດເຂດຊາຍແດນລາວ ແລ້ວໄດ້ສັກວັກຊີນ.

ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂການແຜ່ລະບາດ ຂອງໂຄວິດ-19 ແຂວງຈຳປາສັກ ໄດ້ລາຍງານໃຫ້ຮູ້ວ່າ: ຈາກກໍລະນີ ທີ່ສື່ສັງຄົມອອນລາຍ ແລະ ບາງສຳນັກຂ່າວ ຂອງໄທໄດ້ລາຍງານ ອອກຂ່າວ ທີ່ມີເນື້ອໃນວ່າ ມີປະຊາຊົນ 7 ຄົນ ສັນຊາດໄທ ຢູ່ແຂວງອຸບົນລາດຊະທານີ ປະເທດໄທ ໄດ້ເຂົ້າມາເກັບເຫັດ ຢູ່ບໍລິເວັນເຂດຊາຍແດນລາວ-ໄທ ຈາກນັ້ນພວກກ່ຽວກໍໄດ້ຫຼົງເຂົ້າມາເຂດດິນແດນລາວ ຢູ່ ແຂວງຈຳປາສັກ ເມື່ອວັນທີ 1 ສິງຫາ ທີ່ຜ່ານມາ ແມ່ນມີມູນຄວາມຈິງແທ້.

ເຊິ່ງຕອນນີ້ ພວກກ່ຽວທັງ 7 ໄດ້ຖືກສົ່ງໄປສູນຈຳກັດບໍລິເວນຊົ່ວຄາວ ຫຼັກ21 ແຂວງຈຳປາສັກ ຕາມມາດຕະການປ້ອງກັນ ແລະ ສະກັດກັ້ນການແຜ່ລະບາດໂຄວິດ-19 ຂອງ ສປປ ລາວ, ປະຈຸບັນ ເຈົ້າໜ້າທີ່ຝ່າຍລາວ ກໍພວມດຳເນີນການເຈລະຈາ ກັບເຈົ້າໜ້າໄທ ເພື່ອສົ່ງພວກກ່ຽວທັງ 7 ນັ້ນ ກັບຄືນປະເທດແບບຖືກກົດໝາຍ ແລະ ປະຕິບັດຕາມສົນທິ ສັນຍາລະຫວ່າງສອງປະເທດລາວ-ໄທ.

ນອກຈາກນີ້ ຄະນະສະເພາະກິດແຂວງ ຍັງໄດ້ລາຍງານອີກວ່າ: ໃນກໍລະນີ ບາງສຳນັກຂ່າວຂອງໄທ ໄດ້ມີລາຍງານເຖິງ ພວກກ່ຽວທັງ 7 ທີ່ໄປເກັບເຫັດ ແລ້ວຫຼົງເຂົ້າມາຊາຍແດນລາວ ແຂວງຈຳປາສັກ ແລ້ວພາກັນໄດ້ຮັບການສັກວັກຊີນໂຄວິດ-19 ຢູ່ລາວນັ້ນ ແມ່ນ ບໍ່ມີມູນຄວາມຈິງ.

ເວົ້າລວມແລ້ວ ກໍລະນີທີ່ກຳລັງເປັນກະແສ ທີ່ວ່າ ປະຊາຊົນທັງ 7 ທີ່ເກັບເຫັດ ແລ້ວຈະໄດ້ສັກວັກຊີນກ່ອນກັບໄທ ແມ່ນບໍ່ມີມູນຄວາມຈິງ.

ສ່ວນຄວາມຈິງຄື ພວກກ່ຽວທັງ 7 ໄດ້ຫຼົງເຂົ້າມາເກັບເກັບເຫັດ ທີ່ເຂດສາຍແດນລາວ ແລະ ຕອນນີ້ ເຈົ້າໜ້າທີ່ທັງສອງປະເທດກໍກຳລັງເຈລະຈາ ເພື່ອກຽມສົ່ງພວກກ່ຽວກັບປະເທດ.

ຂໍ້ມູນ: ໂທລະພາບລາວແຫ່ງຊາດ, ວຽງຈັນທາຍ

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...