ແຫຼ່ງຂ່າວ AGE ລາຍງານວ່າ: ຜູ້ຕໍ່ຕ້ານການລັອກດາວຫຼາຍພັນຄົນປະຕິເສດການສວມໃສ່ຜ້າປິດປາກ-ດັງ ຈັບກຸ່ມກັນເດີນຂະບວນປະທ້ວງໃນບັນດາເມືອງໃຫຍ່ຕ່າງໆຂອງອົດສະຕາລີ ເຊັ່ນ ຊິດນີ ແລະ ເມລເບິ້ນ ເພື່ອຮຽກຮ້ອງໃຫ້ເຈົ້າໜ້າທີ່ຢຸດຕິການລັອກດາວ ທັງທີ່ຈຳນວນຜູ້ຕິດເຊື້ອໂຄວິດ-19 ເພີ່ມສູງຂຶ້ນເປັນປະຫວັດການໃນຊິດນີ, ທາງເຈົ້າໜ້າທີ່ໄດ້ເຕືອນເຖິງປັນຫາທີ່ກຳລັງກໍ່ຕົວຂຶ້ນ ແລະ ອາດແກ່ຍາວໄປອີກດົນ.
ທ່ານ ເບຣດ ຊັດຕັນ, ຫົວໜ້າໜ່ວຍງານສາທາລະນະສຸກ ປະຈຳລັດວິກຕໍເຣຍ ກ່າວວ່າ: ການກະທຳຂອງກຸ່ມຄົນດັ່ງກ່າວແມ່ນກົງກັນຂ້າມກັບ “ເສລີພາບ” ທີ່ພວກເຂົາຮຽກຮ້ອງ, ເນື່ອງຈາກເສລີພາບທີ່ສຳນັ້ນກໍຄື ການດຳລົງຊີວິດໂດຍປັດສະຈາກການຕິດເຊື້ອໂຄວິດ, ຍິ່ງພະຍາດນີ້ຄົງຢູ່ໃນໂລກດົນນານເທົ່າໃດ ກໍຍິ່ງເຮັດໃຫ້ຄວາມເປັນອິດສະລະຖືກກີດກັ້ນຫຼາຍຂຶ້ນເທົ່ານັ້ນ.
ຊິດນີ ກຳລັງຢູ່ພາຍໃຕ້ການປະຕິບັດຕາມມາດຕະການລັອກດາວເປັນອາທິດທີຫ້າ ເນື່ອງຈາກມີຜູ້ຕິດເຊື້ອໃໝ່ເພີ່ມ 163 ລາຍ, ຂະນະທີ່ທາງການປະກາດປິດເມືອງເມລເບິ້ນຍັງບໍ່ເຖິງ 10 ວັນ.