spot_img
Homeຂ່າວຕ່າງປະເທດພະແນກປິ່ນປົວຜູ້ຕິດເຊື້ອໂຄວິດ-19 ໃນອີຣັກຖືກໄຟໄໝ້ ຍ້ອນຖັງອົກຊີລະເບີດ

ພະແນກປິ່ນປົວຜູ້ຕິດເຊື້ອໂຄວິດ-19 ໃນອີຣັກຖືກໄຟໄໝ້ ຍ້ອນຖັງອົກຊີລະເບີດ

Published on

ຈາກການລາຍງານຂອງເວັບໄຊ້ Posttoday ໄດ້ເກີດເຫດໄຟໄໝ້ໃນບໍລິເວນປິ່ນປົວຜູ້ຕິດເຊື້ອໂຄວິດ-19 ທີ່ໂຮງໝໍ ອັລຮຸສເຊນ ເມືອງນາຊິຣິຍາ ປະເທດອີຣັກ ສົ່ງຜົນເຮັດໃຫ້ມີຜູ້ເສຍຊີວິດຢ່າງໜ້ອຍ 52 ຄົນ ແລະ ມີຜູ້ບາດເຈັບ 22 ຄົນ ໂດຍເບື້ອງຕົ້ນຄາດວ່າສາເຫດເກີດມາຈາກຖັງອົກຊີລະເບີດ.

ທ່ານເຮດາ ອັລ-ຊາມິລີ ໂຄສົກຂອງໜ່ວຍງານສາທາລະນະສຸກໃນທ້ອງຖິ່ນລະບຸວ່າເຈົ້າໜ້າທີ່ຍັງຄົງດໍາເນີນການຄົ້ນຫາຕໍ່ໄປ ໂດຍຄາດວ່າອາດຈະຍັງມີຜູ້ຕິດຢູ່ພາຍໃນອາຄານ ໂດຍພະແນກດັ່ງກ່າວມີຕຽງເພື່ອຮອງຮັບຜູ້ຕິດເຊື້ອ 70 ຕຽງ. ສ່ວນທາງດ້ານຜູ້ອໍານວຍການຂອງໂຮງໝໍແມ່ນຖືກສັ່ງພັກວຽກ ແລະ ໄດ້ມີການຄວບຄຸມໂຕຫົວໜ້າຝ່າຍສາທາລະນະສຸກ ແລະ ຫົວໜ້າໜ່ວຍປ້ອງກັນໄພຂອງໂຮງໝໍໄປສອບສວນຂໍ້ມູນ.

ທາງດ້ານາຍົກລັດຖະມົນຕີຂອງອີຣັກໄດ້ມີການປະຊຸມສຸກເສີນກັບຄະນະລັດຖະມົນຕີ ແລະ ຫົວໜ້າຝ່າຍຄວາມໝັ້ນຄົງເພື່ອຄົ້ນຫາສາເຫດຂອງການເກີດເຫດໄຟໄໝ້ ພ້ອມທັງສົ່ງຄວາມຊ່ວຍເຫຼືອທາງດ້ານການແພດເຂົ້າໄປຊ່ວຍ ແລະ ໃນຂະນະດຽວກັນປະຊາຊົນ ລວມເຖິງພີ່ນ້ອງຂອງຜູ້ເສຍຊີວິດໄດ້ອອກມາປະທ້ວງຢູ່ບໍລິເວນທາງນອກຂອງໂຮງໝໍເພື່ອຮຽກຮ້ອງໃຫ້ເຈົ້າໜ້າທີ່ລະດັບສູງຂອງໂຮງໝໍລາອອກ.

ບົດຄວາມຫຼ້າສຸດ

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...