ເວັບໄຊ້ Posttoday ໄດ້ລາຍງານວ່າທາງການເກົາຫຼີໃຕ້ໄດ້ອອກຄໍາສັ່ງໃຫ້ສູນອອກກໍາລັງກາຍທຸກແຫ່ງໃນກຸງໂຊ ແລະ ພື້ນທີ່ໃກ້ຄຽງຫ້າມເປີດເພງທີ່ມີຈັງຫວະຄວາມໄວເກີນ 120 ຄັ້ງຕໍ່ນາທີ (bpm) ເພື່ອປ້ອງກັນບໍ່ໃຫ້ຜູ້ອອກກໍາລັງຫາຍໃຈໄວເກີນໄປ ຫຼື ເຫື່ອໄປຖືກຜູ້ອື່ນເພື່ອຈໍາກັດການແຜ່ລະບາດຂອງໂຄວິດ-19

ນອກຈາກນີ້, ຍັງຈໍາກັດຄວາມໄວຂອງເຄື່ອງແລ່ນອອກກໍາລັງກາຍສູງສຸດບໍ່ເກີນ 6 ກິໂລແມັດຕໍ່ຊົ່ວໂມງ ລວມທັງສາມາດໃຊ້ເວລາຢູ່ໃນສູນອອກກໍາລັງກາຍໄດ້ບໍ່ເກີນ 2 ຊົ່ວໂມງໂດຍຈະຕ້ອງບໍ່ອາບນໍ້າໃນສູນອອກກໍາລັງກາຍ, ສ່ວນສູນອອກກໍາລັງກາຍສາມາດເປີດບໍລິການໄດ້ເຖິງ 22:00. ສ່ວນທາງຝັ່ງເຈົ້າໜ້າທີ່ເກົາຫຼີໃຕ້ຊີ້ແຈງວ່າມາດຕະການນີ້ຊ່ວຍບໍ່ໃຫ້ຜູ້ປະກອບການຕ້ອງປິດສູນອອກກໍາລັງກາຍ.