ມາຮອດປະຈຸບັນນີ້ ສປປ ລາວ ມີຜູ້ຕິດເຊື້ອສະສົມທັງໝົດ 2,825 ຄົນ ໃນນີ້ມີກໍລະນີຕິດເຊື້ອໃໝ່ 106 ຄົນ ເຊິ່ງຕິດເຊື້ອໃນຊຸມຊົນ 02 ຄົນ ແລະ ຕິດເຊື້ອໃນກໍລະນີນໍາເຂົ້າ 104 ຄົນ, ເສຍຊີວິດສະສົມທັງໝົດ 03 ຄົນ ແລະ ຍັງຕິດຕາມການປິ່ນປົວຢູ່ທົ່ວປະເທດທັງໝົດ 606 ຄົນ.
ໃນວັນທີ 11 ກໍລະກົດ 2021 ໄດ້ເກັບຕົວຢ່າງມາກວດຫາເຊື້ອໂຄວິດ-19 ຈໍານວນ 1,499 ຄົນ ໃນນັ້ນກວດພົບຜູ້ຕິດເຊື້ອໃໝ່ 106 ຄົນ ໂດຍມີການຕິດເຊື້ອໃນຊຸມຊົນຈາກແຂວງວຽງຈັນ 02 ຄົນ ແລະ ຕິດເຊື້ອໃນຜູ້ເດີນທາງເຂົ້າມາຈາກປະເທດໃກ້ຄຽງມີ 104 ຄົນ ຈາກແຂວງນະຄອນຫຼວງ 12 ຄົນ, ສະຫວັນນະເຂດ 42 ຄົນ, ຈໍາປາສັກ 43 ຄົນ, ຄໍາມ່ວນ 07 ຄົນ. ສໍາລັບກໍລະນີຕິດເຊື້ອໃນຊຸມຊົນຂອງແຂວງວຽງຈັນແມ່ນມີປະຫວັດສໍາຜັດກັບຜູ້ຕິດເຊື້ອເກົ່າ.