ມາຮອດປະຈຸບັນນີ້ ສປປ ລາວ ມີຜູ້ຕິດເຊື້ອສະສົມທັງໝົດ 2,356 ຄົນ ໃນນີ້ມີກໍລະນີຕິດເຊື້ອໃໝ່ 56 ຄົນ ເຊິ່ງຕິດເຊື້ອໃນຊຸມຊົນ 2 ຄົນ ແລະ ຕິດເຊື້ອໃນກໍລະນີນໍາເຂົ້າ 54 ຄົນ, ເສຍຊີວິດສະສົມທັງໝົດ 3 ຄົນ ແລະ ຍັງຕິດຕາມການປິ່ນປົວຢູ່ທົ່ວປະເທດທັງໝົດ 249 ຄົນ.

ໃນວັນທີ 05 ກໍລະກົດ 2021 ໄດ້ເກັບຕົວຢ່າງມາກວດຫາເຊື້ອໂຄວິດ-19 ຈໍານວນ 1,559 ຄົນ ໃນນັ້ນກວດພົບຜູ້ຕິດເຊື້ອໃໝ່ 56ຄົນ ໂດຍມີການຕິດເຊື້ອໃນຊຸມຊົນຈາກແຂວງວຽງຈັນ 1 ຄົນ, ແຂວງຈໍາປາສັກ 1 ຄົນ ແລະ ຕິດເຊື້ອໃນຜູ້ເດີນທາງເຂົ້າມາຈາກປະເທດໃກ້ຄຽງມີ 54 ຄົນ ຈາກແຂວງສະຫວັນນະເຂດ 7 ຄົນ, ຈໍາປາສັກ 44 ຄົນ ແລະ ນະຄອນຫຼວງ 3 ຄົນ.

ສໍາລັບກໍລະນີຕິດເຊື້ອໃນຊຸມຊົນຂອງແຂວງວຽງຈັນ ແລະ ແຂວງຈໍາປາສັກແມ່ນມີປະຫວັດສໍາຜັດກັບກຸ່ມຜູ້ຕິດເຊື້ອເກົ່າ.