ມາຮອດປະຈຸບັນນີ້ ສປປ ລາວ ມີຜູ້ຕິດເຊື້ອສະສົມທັງໝົດ 2,300 ຄົນ ໃນນີ້ມີກໍລະນີຕິດເຊື້ອໃໝ່ 56 ຄົນ ເຊິ່ງຕິດເຊື້ອໃນຊຸມຊົນ 12 ຄົນ ແລະ ຕິດເຊື້ອໃນກໍລະນີນໍາເຂົ້າ 44 ຄົນ, ເສຍຊີວິດສະສົມທັງໝົດ 3 ຄົນ ແລະ ຍັງຕິດຕາມການປິ່ນປົວຢູ່ທົ່ວປະເທດທັງໝົດ 222 ຄົນ.
ໃນວັນທີ 04 ກໍລະກົດ 2021 ໄດ້ເກັບຕົວຢ່າງມາກວດຫາເຊື້ອໂຄວິດ-19 ຈໍານວນ 843 ຄົນ ໃນນັ້ນກວດພົບຜູ້ຕິດເຊື້ອໃໝ່56 ຄົນ ໂດຍມີການຕິດເຊື້ອໃນຊຸມຊົນຈາກນະຄອນຫຼວງ 1 ຄົນ, ແຂວງວຽງຈັນ 11 ຄົນ ແລະ ຕິດເຊື້ອໃນຜູ້ເດີນທາງເຂົ້າມາຈາກປະເທດໃກ້ຄຽງມີ 44 ຄົນ ຈາກແຂວງສະຫວັນນະເຂດ 8 ຄົນ, ຈໍາປາສັກ 32 ຄົນ, ຄໍາມ່ວນ 1 ຄົນ ແລະ ນະຄອນຫຼວງ 3 ຄົນ.
ສໍາລັບກໍລະນີຕິດເຊື້ອໃນຊຸມຊົນຂອງນະຄອນຫຼວງ ແລະ ແຂວງວຽງຈັນແມ່ນມີປະຫວັດສໍາຜັດກັບກຸ່ມຜູ້ຕິດເຊື້ອເກົ່າ.