VinFast ແບຣນ ລົດສັນຊາດຫວຽດນາມ, ຈະເລີ່ມເຂົ້າສູ່ ສປປລາວ ເປັນປະເທດທໍາອິດໃນອາຊຽນ, ຫຼັງຈາກສະຫະລັດອາເມລິກາ, ການາດາ, ອົດສະຕາລີ. ເຊິ່ງປະເທດລາວ ກໍແມ່ນຕະຫຼາດອາຊຽນທຳອິດ ທີ່ຫວຽດນາມຕັ້ງເປົ້າໝາຍ.

ໃນວັນທີ 28 ມິຖຸນາ 2021, ບໍລິສັດ VinFast Business, Trading and Service Co. , Ltd ແລະ Phongsubthavy Group Co. , Ltd ຂອງລາວໄດ້ເຊັນບົດບັນທຶກຄວາມເຂົ້າໃຈ ວ່າດ້ວຍການຮ່ວມມື ໃນການຈຳໜ່າຍ ຍານພາຫະນະໃນລາວ.

ຂໍ້ຕົກລົງດັ່ງກ່າວໄດ້ມີຂຶ້ນຈາກການຢ້ຽມຢາມ ຂອງປະທານປະເທດ ສປປ ລາວ ທີ່ ສສ.ຫວຽດນາມ ຢ່າງເປັນທາງການ ໃນວັນທີ 28-29 ມິຖຸນາ 2021.

ເຊິ່ງທາງບໍລິສັດພົງຊັບທະວີ Phongsubthavy ຈະກາຍເປັນຜູ້ຈຳໜ່າຍ ລົດຍົນ VinFast ໃນປະເທດລາວ, ໂດຍຜ່ານລະບົບຕົວແທນຈຳໜ່າຍ.