Homeຂ່າວພາຍ​ໃນປະຫວັດການເຄື່ອນໄຫວຂອງຜູ້ຕິດເຊື້ອໃໝ່ 1 ຄົນ ໃນນະຄອນຫຼວງມື້ນີ້ !!

ປະຫວັດການເຄື່ອນໄຫວຂອງຜູ້ຕິດເຊື້ອໃໝ່ 1 ຄົນ ໃນນະຄອນຫຼວງມື້ນີ້ !!

Published on

ໃນວັນທີ 29 ມິຖຸນາ 2021 ສປປ ລາວ ໄດ້ກວດວິເຄາະທັງໝົດ 858 ຄົນ, ໃນນັ້ນ ກວດພົບຜູ້ຕິດເຊື້ອທັງໝົດ 25 ຄົນ, ຈາກນະຄອນຫຼວງ 1 ກໍລະນີ, ສະຫວັນນະເຂດ 1 ກໍລະນີ, ຈໍາປາສັກ 9 ກໍລະນີ, ແຂວງ ວຽງຈັນ 13 ກໍລະນີ ແລະ ຄໍາມ່ວນ 1 ກໍລະນີ.

  • ສຳລັບ ນະຄອນຫຼວງວຽງຈັນ 1 ຄົນ ແລະ ແຂວງວຽງຈັນ 13 ຄົນ ແມ່ນກໍລະນີຕິດເຊື້ອໃນຊຸມຊົນ.
  • ສ່ວນ ສະຫວັນນະເຂດ 1 ກໍລະນີ, ຈຳປາສັກ 9 ກໍລະນີ ແລະ ຄຳມ່ວນ 1 ກໍລະນີ ແມ່ນກວດພົບຈາກແຮງງານລາວ ທີ່ກັບມາຈາກປະເທດເພື່ອນບ້ານໂດຍຖືກຕ້ອງຕາມກົດໝາຍ ເຊິ່ງຖືວ່າເປັນກໍລະນີນຳເຂົ້າ.

ສໍາລັບປະຫວັດການເຄື່ອນໄຫວຂອງຜູ້ຕິດເຊື້ອໃໝ່ 1 ຄົນ ໃນນະຄອນຫຼວງມື້ນີ້ ແມ່ນມີລາຍລະອຽດດັ່ງນີ້:

  1. ເພດຍິງ, ອາຍຸ 5 ປີ, ສັນຊາດລາວ, ບ້ານຫົວຊ້າງ, ເມືອງນາຊາຍທອງ, ນະຄອນຫຼວງວຽງຈັນ ຜູ້ກ່ຽວມີອາການໄອ, ມີປະຫວັດສຳຜັດໃກ້ຊິດນຳຜູ້ຕິດເຊື້ອ, ໄດ້ໄປເກັບຕົວຢ່າງຢູ່ ມສ ສີໂຄດ ໃນວັນທີ 28 ມິຖຸນາ 2021 ແລະ ຜົນກວດພົບເຊື້ອ.
  2. ເຂດ/ສະຖານທີ່ ສ່ຽງທີ່ຜູ້ຕິດເຊື້ອເດີນທາງໄປ:
  • ວັນທີ 17/06/2021 ເວລາ 10:00-10:30 ໂມງ: ໄດ້ໄປຊື້ນົມຢູ່ຮ້ານ ເຈມາກ, ບ້ານໂພນຕ້ອງຈອມມະນີ, ເມືອງຈັນທະບູລີ, ເວລາ 11:00-12:00 ໂມງ ໄປຊື້ເຄື່ອງຢູ່ຕະຫລາດຂົວດິນ
  • ວັນທີ 21/06/2021 ເວລາ 09:00-11:30 ໂມງ ໄປເຮັດບົດ ຢູ່ບ້ານອາຈານ (ບ້ານດອນກອຍ, ເມືອງໄຊເສດຖາ)
  • ວັນທີ 24/06/2021: ໄປຕະຫຼາດໂນນສະອາດ
  • ວັນທີ 26/06/2021 ເວລາ 08:00-08:30 ໂມງ ໄດ້ໄປຕະຫລາດດົງໜາກຄາຍ, ເວລາ 14:00-16:30 ໂມງ ໄດ້ໄປນັ່ງກິນຕໍາ ຢູ່ທ່າງ່ອນ ທາງເຂົ້າວັດທ່າງ່ອນ, ເວລາ 10:00-17:00 ໂມງ ໄດ້ໄປບ້ານພີ່ນ້ອງ ຢູ່ບ້ານຫົວຊ້າງ, ເມືອງນາຊາຍ

ດັ່ງນັ້ນ, ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 2,101 ຄົນ, ບໍ່ມີການເສຍຊີວິດໃໝ່ ແລະ ກໍາລັງປິ່ນປົວ ທັງໝົດ 140 ຄົນ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...