Homeຂ່າວພາຍ​ໃນລາຍລະອຽດຜູ້ຕິດເຊື້ອໃນ ສປປ ລາວ ວັນທີ 22/6/2021

ລາຍລະອຽດຜູ້ຕິດເຊື້ອໃນ ສປປ ລາວ ວັນທີ 22/6/2021

Published on

ອີງຕາມການລາຍງານ ຂອງຄະນະສະເພາະກິດ, ລາຍງານປະຈຳວັນທີ 22 ມິຖຸນາ 2021, ປັດຈຸບັນ ສປປ ລາວ ມີຜູ້ຕິດເຊື້ອສະສົມທັງໝົດ 2,067 ຄົນ (ໃໝ່ 13 ຄົນ), ປິ່ນປົວຫາຍດີ 1,954 ຄົນ, ກຳລັງປິ່ນປົວ 97 ຄົນ ແລະ ເສຍຊີວິດສະສົມ 3 ຄົນ.

ໃນວັນທີ 21 ມິຖຸນາ 2021 ທົ່ວປະເທດ ໄດ້ມີການເກັບຕົວຢ່າງ ຄົ້ນຫາເຊື້ອພະຍາດ ໂຄວິດ-19 ທັງໝົດ 1,159 ຕົວຢ່າງ, ໃນນັ້ນ ກວດພົບເຊື້ອໃໝ່ 13 ກໍລະນີ ຄື: ນະຄອນຫຼວງວຽງຈັນ 2 ກໍລະນີ, ຈຳປາສັກ 9 ກໍລະນີ ແລະ ສະຫວັນນະເຂດ 2 ກໍລະນີ ເຊິ່ງມີລາຍລະອຽດດັ່ງຕໍ່ໄປນີ້:

ສຳລັບນະຄອນຫຼວງວຽງຈັນ 2 ຄົນ: 1. ເພດຊາຍ ອາຍຸ 14  ປີ ອາຊີບ ນັກຮຽນ ບ້ານໂນນແກ້ວ ເມືອງສີໂຄດຕະບອງ ນະຄອນຫຼວງວຽງຈັນ ຜູ້ກ່ຽວມີອາການໄອ ເຈັບຂໍ, ເຈັບຫົວ ມີປະຫວັດສຳຜັດກັບຜູ້ຕິດເຊື້ອ ໄປເກັບຕົວຢ່າງ ວັນທີ 21 ມິຖຸນາ 2021 ຢູ່ ໂຮງຮຽນ ມ.ສ ສີໂຄດ ແລະ ຜົນກວດພົບເຊື້ອ.

2. ເພດຍິງ ອາຍຸ 26 ປີ ອາຊີບ ພະນັກງານ ໂຮງງານ ຢູ່ ບ້ານ ພະຂາວ ເມືອງ ໄຊທານີ ນະຄອນຫຼວງວຽງຈັນ ຜູ້ກ່ຽວບໍ່ມີອາການຫຍັງ ມີປະຫວັດສຳຜັດໃກ້ຊິດກັບຜູ້ຕິດເຊືອ ຄົນໃນຄອບຄົວ ໄປເກັບຕົວຢ່າງ ວັນທີ 21 ມິຖຸນາ 2021 ທີ່ໂຮງໝໍມິດຕະພາບ ແລະ ຜົນກວດພົບເຊື້້ອ.

ສຳລັບ 2 ຄົນ ແຂວງສະຫັວນນະເຂດ ແມ່ນແຮງງານລາວທີ່ກັບຄືນປະເທດ ມາຈາກປະເທດໃກ້ຄຽງ ເຊິ່ງໄດ້ຮັບການໄດ້ຮັບການອະນຸຍາດຈາກຄະນະສະເພາະກິດຢ່າງຖືກລະບຽບຫຼັກການ.

ສຳລັບ 09 ຄົນ ແຂວງຈຳປາສັກ: 6 ຄົນ ແມ່ນແຮງງານລາວທີ່ກັບຄືນປະເທດ ມາຈາກປະເທດໃກ້ຄຽງ ເຊິ່ງໄດ້ຮັບການອະນຸຍາດຈາກຄະນະສະເພາະກິດຢ່າງຖືກລະບຽບຫຼັກການ.

ສວ່ນອີກ 3 ຄົນ ແມ່ນແຮງງານລາວທີ່ກັບຄືນປະເທດ ມາຈາກປະເທດໃກ້ຄຽງ ເຊິ່ງໄດ້ຮັບການອະນຸຍາດຈາກຄະນະສະເພາະກິດຢ່າງຖືກລະບຽບຫຼັກການ, 10 ມື້ກ່ອນ ພວກກ່ຽວ ໄດ້ເກັບຕົວຢ່າງກວດຄັ້ງທຳອິດ ແມ່ນຜົນກວດເປັນລົບ (ບໍ່ພົບເຊື້ອ) ແລ້ວກໍສືບຕໍ່ໃຫ້ຈຳກັດບໍລິເວນ, ພາຍຫຼັງຈຳກັດບໍລິເວນ 10 ວັນ ທາງສູນໄດ້ເກັບຕົວຢ່າງມາກວດ ຄັ້ງທີ 2 ແມ່ນ ພົບເຊືອ ໂຄວິດ-19 ເຊິ່ງພວກກ່ຽວບໍ່ມີອາການຫຍັງ. ປັດຈຸບັນ ກໍໄດ້ຖືກສົ່ງໄປປິ່ນປົວ ຢູ່ສະຖານທີ່ທາງແຂວງກຳນົດ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...