New normal (ນິວນໍມໍ) ແມ່ນຫຍັງ? New normal ແມ່ນໝາຍເຖິງ ຮູບການດຳເນີນຊີວິດແບບໃໝ່ ທີ່ແຕກຕ່າງຈາກອາດີດ ເພາະໄດ້ຮັບຜົນກະທົບຈາກບາງເຫດການ ຈົນແບບແຜນ ແລະ ແນວທາງໃນການໃຊ້ຊີວິດປະຈຳວັນ ເກີດການປ່ຽນແປງສູ່ວິຖີຊີວິດໃໝ່.
ຄືກັບການແຜ່ລະບາດຂອງພະຍາດ Covid-19, ໃນປັດຈຸບັນ ທີ່ມີຜົນກະທົບໃຫ້ເກີດການປ່ຽນແປງໃນດ້ານຕ່າງໆໃນສັງຄົມ ໂດຍມີການປັບໂຕເຂົ້າສູ່ຍຸກດີຈິຕອລ ແລະ ໃຊ້ສ່ອງທາງໃນການເຮັດວຽກອອນລາຍຫຼາຍຂຶ້ນ ທັງນີ້ການຮູ້ສະຖານະການແລະປັບໂຕໄດ້ກ່ອນ ກໍຍ່ອມໄດ້ປຽບສະເໝີ.
ມື້ນີ້ເຮົາຈະຍົກມາ 3 ຢ່າງສຳຫຼັບພຶດຕິກຳ New normal ໃນຊ່ວງ Covid-19
- ການນຳໃຊ້ເທັກໂນໂລຢີ ແລະອິນເຕີເນັດ ໃນສັງຄົມຍຸກ New normal ເທັກໂນໂລຢີຄວມຄູ່ມາກັບອິນເຕີເນັດ ແມ່ນມີຄວາມສຳຄັນຫຼາຍໃນຊ່ວງໂຄວິດມານີ້ ບໍ່ວ່າຈະເປັນ ການຮຽນອອນລາຍ, Work from home, ການປະຊຸມອອນລາຍ ລວມໄປເຖິງການສັ່ງຊື້ສິນຄ້າທາງອອນລາຍ ພ້ອມຍັງມີສື່ບັນເທິງຕ່າງໆເຊັ່ນການເບິ່ງໜັງ ແລະ ຟັງເພງ.
- ການເວັ້ນໄລຍະຫ່າງທາງສັງຄົມການເວັ້ນໄລຍະຫ່າງທາງສັງຄົມ ຫຼື Social Distancing ແມ່ນຄວນຈະຢູ່ຫ່າງກັນຢ່າງໜ້ອຍ 1-2 ແມັດ ເພື່ອລົດການແຜ່ເຊື້ອ ແລະ ລົດຄວາມສ່ຽງໃນການຕິດເຊື້ອກັບຜູ້ອື່ນ ພ້ອມຍັງຊ່ວຍລົດປະລິມານຜູ້ປ່ວຍອີກດ້ວຍ.
- ການດູແລເອົາໃຈໃສ່ສຸຂະພາບທັງໂຕເອງ ແລະ ຄົນຮອບຂ້າງໝັ່ນສັງເກດຕົນເອງເມື່ອບໍ່ສະບາຍ ສວມໃສ່ໜ້າກາກໜ້າອະໄມທຸກຄັ້ງເມື່ອອອກໄປພົບປະຜູ້ຄົນຈຳນວນຫຼາຍ ລ້າງມືຢ່າງຖືກວິທີ ອອກກຳລັງກາຍ ແລະ ຄວນມາໃສ່ໃຈສຸຂະພາບໃຫ້ຫຼາຍຂຶ້ນ.
New Normal ໃນມື້ນີ້ ອາດເປັນແນວທາງໃນການປັບໂຕໃຫ້ເຂົ້າກັບສະຖານະການທີ່ກຳລັງຈະເກີດຂຶ້ນໃນອະນາຄົດ ການກຽມພ້ອມ ແລະ ຕັ້ງຮັບທີ່ດີ ຈຶ່ງເປັນສິ່ງສຳຄັນທີ່ຈະເຮັດໃຫ້ເຮົາສາມາດດຳລົງຊີວິດຢູ່ໄດ້ ເຖິງແມ່ນວ່າຈະມີວິກິດໃໝ່ໆເຂົ້າມາກໍຕາມ.