ໃນຕອນທ່ຽງຂອງວັນທີ 9 ມີຖຸນາ 2021 ທີ່ຜ່ານມາສໍານັກຂ່າວ BBC ຕ່າງປະເທດໄດ້ລາຍງານເຖິງເຫດການທີ່ໜ້າສະເທືອນໃຈໃນເກົາຫຼີໃຕ້ເນື່ອງຈາກອາຄານທີ່ມີຄວາມສູງ 5 ຊັ້ນໃນນະຄອນຄວາງຈູທາງພາກໃຕ້ຂອງປະເທດເຊິ່ງຢູ່ໃນລະຫວ່າງການທໍາລາຍຕຶກໄດ້ພັງລົງມາທັບລົດເມທີ່ມີຜູ້ໂດຍສານຢູ່ພາຍໃນລົດຈໍານວນ 17 ຄົນ ໃນຂະນະທີ່ລົດຈອດຢູ່ທາງດ້ານໜ້າຂອງອາຄານ ສົ່ງຜົນເຮັດໃຫ້ມີຜູ້ເສຍຊີວິດຢ່າງໜ້ອຍ 9 ຄົນ ແລະ ໄດ້ຮັບບາດເຈັບອີກ 20 ຄົນ ແລະ ເຈົ້າໜ້າທີ່ກູ້ໄພກໍໄດ້ເລັ່ງຄົ້ນຫາຜູ້ປະສົບໄພທີ່ອາດຈະຕິດຢູ່ພາຍໃຕ້ຊາກຕຶກທີ່ພັງລົງມາ ແລະ ເບື້ອງຕົ້ນກໍາລັງຫາສາເຫດທີ່ຕຶກພັງລົງມາ.
ທາງດ້ານທ່ານ ຄິມ ຊອກຊຸນ ເຈົ້າໜ້າທີ່ດັບເພິງໄດ້ເປີດເຜີຍວ່າຄົນງານທັງໝົດຖືກອົບພະຍົບອອກຈາກອາຄານລວມທັງປິດທາງຍ່າງທີ່ຢູ່ໃກ້ເຂດຕຶກດັ່ງກ່າວກ່ອນທີ່ມັນຈະພັງລົງມາ.
