ນາຍົກລັດຖະມົນຕີຂອງປະເທດຍີ່ປຸ່ນກຽມບໍລິຈາກເງິນສົມທົບຈໍານວນ 800 ລ້ານໂດລ້າໃຫ້ກັບໂຄງການໂຄແວັກຂອງອົງການອະນາໄມໂລກເພື່ອເລັ່ງຈັດຊື້ວັກຊີນໃຫ້ກັບປະເທດທີ່ຕ້ອງການ.

ທ່ານ ໂຍຊິຮີເດະ ຊູກະ ນາຍົກລັດຖະມົນຕີຍີ່ປຸ່ນປະກາດຈະສົບທົບເງິນບໍລິຈາກໃຫ້ກັບໂຄງການໂຄແວັກເພີ່ມອີກ ຫຼັງຈາກທີ່ກ່ອນໜ້ານີ້ເຄີຍບໍລິຈາກໃຫ້ກັບໂຄງການດັ່ງກ່າວແລ້ວຈໍານວນ 200 ລ້ານໂດລ້າ. ນອກຈາກນີ້, ທາງການຂອງຍີ່ປຸ່ນຍັງມີແຜນທີ່ຈະບໍລິຈາກວັກຊີນປ້ອງກັນໂຄວິດ-19 ເພີ່ມອີກດ້ວຍ.

ໃນວັນພຸດທີ່ຜ່ານມານາຍົກລັດຖະມົນຕີຂອງຍີ່ປຸ່ນໄດ້ເປັນປະທານໃນການປະຊຸມໂຄແວັກທາງອອນລາຍຮ່ວມກັບທ່ານ ນາງ ຄາມາລາ ແຮລິສ ຮອງປະທານາທິບໍດີຂອງອາເມລິກາ ພ້ອມທັງຕົວແທນຈາກຊາດສະມາຊິກ G7 ເພື່ອປະຊຸມການເພີ່ມເງິນສະໜັບສະໜຸນໂຄງການໂຄແວັກຂອງອົງການອະນາໄມໂລກ ແລະ ໃຫ້ອົງການຕ່າງໆທີ່ໄດ້ຮ່ວມສະໜັບສະໜຸນໂຄງການນີ້ຮ່ວມສົມທົບເງິນ ພ້ອມທັງບໍລິຈາກວັກຊີນເພີ່ມອີກ.