ສີລັງກາກຳລັງປະເຊີນໜ້າກັບວິກິດມົນລະພິດທີ່ບໍ່ເຄີຍເກີດຂຶ້ນມາກ່ອນ ເນື່ອງຈາກຄື້ນຂີ້ເຫຍື້ອພລາສຕິກຈາກເຮືອບັນທຸກສິນຄ້າທີ່ໄຟໄໝ້ແລະ ພັດເຂົ້າມາຊາຍຝັ່ງ. ທະຫານຫຼາຍພັນຄົນໄດ້ລົງພື້ນທີ່ເພື່ອຊ່ວຍກັນຕັກຝຸ່ນຂີ້ເທົ່າພລາສຕິກຈຳນວນຫຼາຍອອກຈາກພື້ນທີ່.
ອົງການປ້ອງກັນທາງທະເລຂອງປະເທດສີລັງກາ (MEPA) ກ່າວວ່າມົນລະພິດຈາໄມໂຄພລາສຕິກອາດເຮັດໃຫ້ເກີດຄວາມເສຍຫາຍທາງດ້ານນິເວດວິທະຍາຕໍ່ເກາະຕ່າງໆໃນມະຫາສະໝຸດອິນເດຍເປັນເວລາຫຼາຍປີ.
ການຫາປາໄດ້ຖືກຫ້າມຢູ່ຕາມແຄມຝັ່ງທະເລຍາວ 80 ກິໂລແມັດໃກ້ກັບເຮືອທີ່ລຸກໄໝ້ ເປັນເວລາ 10 ວັນເຖິງວ່າຈະມີການປະຕິບັດງານດັບເພີງລະດັບສາກົນ.
ເຈົ້າໜ້າທີ່ອີກທີມໜຶ່ງໄດ້ນຳພາທີມງານເຊິ່ງໃນບາງສ່ວນຂອງຫາດຊາຍມີໄມໂຄພລາສຕິກ ແລະ ສິ່ງເສດເຫຼືອທີ່ມີໄຟ ໄໝ້ຢູ່ເລິກ 60 ຊັງຕີແມັດ.
ຊາວປະມົງທ້ອງຖິ່ນ Peter Fernando, ອາຍຸ 68 ປີ, ກ່າວວ່າລາວບໍ່ເຄີຍເຫັນການທຳລາຍລ້າງແບບນີ້ມາກ່ອນ.
ການຮົ່ວໄຫຼຂອງນໍ້າມັນຈາກຖັງເກັບນໍ້າມັນ 278 ໂຕນແລະກາຊວນ 50 ໂຕນຈະເພີ່ມຄວາມສ່ຽງຕໍ່ຄວາມເສຍຫາຍ.
ເຮືອຂົນສົ່ງສິນຄ້າສ່ວນໃຫຍ່ ລວມມີອາຊິດ nitric 25 ໂຕນ, sodium hydroxide, ນໍ້າມັນລໍ່ລື້ນ ແລະສານເຄມີອື່ນໆ ພວກມັນຖືກທຳລາຍໃນການເຜົາໄໝ້.
ການດຳເນີນການກອບກຸ້ລະຫວ່າງປະເທດນຳໂດຍບໍລິສັດ SMIT ຂອງເນເທີແລນ ເຊິ່ງໄດ້ສົ່ງເຮືອລາກຈູງສຳລັບນັກດັບເຜີງ,ຜູ້ຊ່ຽວຊານ ອິນເດຍໄດ້ສົ່ງເຈົ້າໜ້າທີ່ຍາມຝັ່ງໄປຊ່ວຍກອງທັບສີລັງກາ.
ຮຽບຮຽງຂ່າວ: ພຸດສະດີ