ວອສແອັບ (WhatsApp) ຟ້ອງລັດຖະບານອິນເດຍ ທີ່ອອກກົດໝາຍອິນເຕີເນັດໃໝ່ ຄື: ລັດສາມາດຕິດຕາມ ແລະ ເຂົ້າເບິ່ງຂໍ້ຄວາມການສົນທະນາໄດ້ ເຊິ່ງການກະທຳແບບນີ້ ໄດ້ກະທົບຄວາມເປັນສ່ວນໂຕຂອງຜູ້ໃຊ້ງານ, ການຟ້ອງຄັ້ງນີ້ແມ່ນໄດ້ຢືນສານທີ່ນະຄອນນິວເດລີ ນະຄອນຫຼວງ ຂອງປະເທດອິນເດຍ.
ກົດໝາຍດັ່ງກ່າວ ມີການສະເໜີໃນເດືອນກຸມພາ ທີ່ຜ່ານມາ ໂດຍ ທ່ານ ລາວີ ຊານກາ ພາລັດ Ravi Shankar Prasad ລັດຖະມົນຕີວ່າການກະຊວງກົດໝາຍ ແລະ ເທັກໂນໂລຊີ ຂໍ້ມູນຂ່າວສານ ພາຍໃຕ້ກົດໝາຍດັ່ງກ່າວ ລັດຖະບານອາດກຳນົດໃຫ້ ບໍລິສັດເທັກໂນໂລຊີລົບໂພສຈາກໂຊຊຽວມີເດຍ ທີ່ຖືວ່າຜິດກົດໝາຍ ທັງວອສແອັບ (WhatsApp), ສິກນໍ (Signal) ແລະ ບໍລິສັດອື່ນໆ, ຈະຕ້ອງສ້າງຖານຂໍ້ມູນການແຊັດທີ່ ກວດສອບຍ້ອນຫຼັງໄດ້ ແລະ ຕ້ອງແນບລາຍນິ້ວມືທີ່ລະບຸຕົວຕົນໄປຍັງຜູ້ໃຊ້ງານໄດ້ອີກດ້ວຍ.
ໃນຊ່ວງ 2-3 ປີ ທີ່ຜ່ານມາ, ທ່ານ ນາແລນດາ ໂມດີ Narendra Modi ນາຍົກລັດຖະມົນຕີ ມີນະໂຍບາຍຄວບຄຸ້ມເນື້ອຫາ ໃນອິນເຕີເນັດຫຼາຍຢ່າງ, ໃນປີ 2019 ລັດຖະບານສະເໜີຕົວເອງໃຫ້ມີອຳນາດ ໃນການປາບປາມເນຶ້ອຫາທາງອິນເຕີເນັດ ໂດຍອ້າງວ່າ ກ່ຽວກັບເລື່ອງຄວາມໝັ່ນຄົງຂອງຊາດ ເລີຍເຮັດໃຫ້ເກີດຂໍ້ຜິດພາດກັບແພຣມຟອມຕ່າງໆ.
ໂຄສະນາ ວອສແອັບ (WhatsApp) ກ່າວວ່າ: ວອສແອັບ ຈະປົກປ້ອງຄວາມເປັນສ່ວນຕົວຂອງຜູ້ໃຊ້ງານ ແລະ ຈະເຮັດທຸກຢ່າງທີ່ເຮັດໄດ້ ຕາມກົດໝາຍຂອງອິນເດຍຕໍ່ໄປ.