ໂຄວິດ-19 ສາຍພັນອິນເດຍສ້າງຄວາມກັງວົນໃຫ້ຫຼາຍປະເທດທົ່ວໂລກຫຼັງພົບການແຜ່ລະບາດໄປແລ້ວກວ່າ 30 ປະເທດ ເຊິ່ງອົງການອານາໄມໂລກລະບຸວ່າໄວຣັສສາຍພັນດັ່ງກ່າວອາດມີຄວາມສາມາດໃນການແຜ່ລະບາດຢ່າງໄວວາ ໃນຂະນະທີ່ບາງຜູ້ຊ່ຽວຊານກັງວົນວ່າອາດສົ່ງຜົນຕໍ່ປະສິດທິພາບຂອງວັກຊີນ.
ທ່າມກາງຫຼາຍປະເທດທີ່ປະກາດລະງັບການເດີນທາງຂາເຂົ້າຈາກອິນເດຍເພື່ອປ້ອງກັນການແຜ່ລະບາດຂອງໄວຣັດສາຍພັນ B.1.617 ເຊັ່ນ: ປະເທດອັງກິດ, ການາດາ, ຮົງກົງ, ສິງກະໂປ, ຝຣັ່ງ, ອີຫຣ່ານ, ອິນໂດເນເຊຍ, ຄູເວດ, ສະຫະລັດອາຣັບເອມິເຣດ (UAE).
ໂຄວິດ-19 ສາຍພັນ B.1.617 ຖືກກວດພົບໃນອິນເດຍຄັ້ງທຳອິດເມື່ອເດືອນຕຸລາ 2021 ແລະ ມີລາຍງານພົບການລະບາດຂອງສາຍພັນດັ່ງກ່າວໃນຫຼາຍປະເທດທົ່ວໂລກຄື: ອິນເດຍ, ອັງກິດ, ອາເມລິກາ, ສິງກາໂປ, ອອສເຕຣເລຍ, ບຣາເຣນ, ເຢຍລະມັນ, ນິວຊີແລນ, ສະວິດເຊີແລນ, ໄອແລນ, ເບລຢຽມ, ຈີນ, ເນເທີແລນ, ເກົາຫຼີໃຕ້, ປອັກຕຸຍການ, ສະວີເດນ, ຈໍແດນ, ຣັດເຊຍ, ກຣີຊ, ອີຕາລີ, ຊິນມາຣເທິນ, ກົວດໍລູ, ແມັກຊີໂກ, ການາດາ, ອາຣມາ, ມາເລເຊຍ, ກຳປູເຈຍ, ຫວຽດນາມ, ໂຣມາເນຍ, ອິນໂດເນຍເຊຍ, ຍີ່ປຸ່ນ ແລະ ໄທ.
ແຕ່ເຖິງແນວໃດກໍ່ຕາມຍັງບໍ່ມີຫຼັກຖານຢືນຢັນວ່າໄວຣັດກາຍພັນດັ່ງກ່າວນີ້ຈະເຮັດໃຫ້ເກີດໂຣກຮຸນແຮງຂຶ້ນ ຫຼື ສົ່ງຜົນຕໍ່ປະສິດທິພາບຂອງວັກຊີນໃນປັດຈຸບັນ.
ຮຽບຮຽງຂ່າວ: ພຸດສະດີ