ໃນວັນທີ 6 ພືດສະພາ 2021 ທີ່ຜ່ານມາ ທາງການຂອງສະຫະພັນລັດເຊຍໄດ້ອະນຸມັດການໃຊ້ວັກຊີນ Sputnik Light ໂດຍບອກວ່າເປັນວັກຊີນທີ່ມີປະສິດທິພາບໃນການປ້ອງກັນໂຄວິດ-19 ພຽງແຕ່ສັກເຂັມດຽວເທົ່ານັ້ນ ເຊິ່ງແຕກຕ່າງວຈາກວັກຊີນ Sputnik V ທີ່ຕ້ອງໄດ້ສັກເຖິງສອງເຂັມ.

ທັງນີ້ RDIF ເຊິ່ງເປັນກອງທຶນບໍລິຫານຄວາມໝັ້ນຄົງຂອງລັດເຊຍໄດ້ໃຫ້ການສະໜັບສະໜຸນການຜະລິດວັກຊີນປ້ອງກັນໂຄວິດ-19 ທີ່ມີປະສິດທິພາບ 79.4% ໃນການປ້ອງກັນພະຍາດໂຄວິດ-19 ແລະ ມີລາຄາປະມານ 100,000 ກີບ/ໂດສ ໂດຍສາມາດເກັບໄວ້ໃນສະຖານທີ່ເກັບຮັກສາແບບມາດຕະຖານ ແລະ ມີການຂົນສົ່ງແບບດຽວກັນກັບວັກຊີນຊະນິດອື່ນໆ.

ນອກຈາກນີ້ການທີ່ວັກຊີນມີປະສິດທິພາບໃນການປ້ອງກັນໂຄວິດ-19 ໄດ້ໃນການສັກພຽງເຂັມດຽວນັ້ນ ເຮັດໃຫ້ Sputnik Light ສາມາດສ້າງພູມຄຸ້ມກັນໝູ່ໃຫ້ກັບປະຊາຊົນໃນໄລຍະເວລາທີ່ສັ້ນກວ່າເກົ່າ, ແຕ່ເຖິງຢ່າງໃດກໍຕາມ Sputnik Light ກໍາລັງຢູ່ໃນຂັ້ນຕອນການທົດລອງໃນໄລຍະທີ່ 3 ໃນລັດເຊຍ, ສະຫະລັດອາເມລິກາ ແລະ ການາດາ ລວມທັງອີກຫຼາຍປະເທດ ໂດຍມີອາສາສະໝັກປະມານ 7,000 ຄົນ ແລະ ຄາດວ່າຈະມີການປະກາດຜົນການທົດລອງພາຍໃນເດືອນນີ້.