ສຳນັກຂ່າວຕ່າງປະເທດລາຍງານໃນວັນທີ 5 ພຶດສະພາ, ໂດຍອ້າງອີງຈາກ ໜັງສືພິມ Times ວ່າລັດຖະບານອັງກິດ ກຳລັງວາງແຜນການໃຫ້ປະຊາຊົນອາຍຸຫຼາຍກວ່າ 50 ປີໄດ້ຮັບການສັກຢາວັກຊີນປ້ອງກັນ COVID-19 ເຂັມທີສາມ ໃນຊ່ວງລະດູໃບໄມ້ຫຼົ່ນທີ່ຈະມາເຖິງ ປະຈຸບັນກຳລັງຄົ້ນຄ້ວາໃນສອງກຸ່ມຕົວຢ່າງພາຍໃຕ້ການຊີ້ນຳຂອງ Dr. Chris Whitley, ທີ່ປຶກສາດ້ານນະໂຍບາຍການແພດຂອງອັງກິດ.

ທັງນີ້, ການສຶກສາກຳລັງດຳເນີນຢູ່ແບ່ງປັນ ວັກຊີນທີ່ມີການປັບປຸງເພື່ອໃຫ້ຮັບມືກັບເຊື້ອໄວຣັດໂຄໂຣນາກາຍພັນ ແລະ ການສັກຢາວັກຊີນເຂັມທີສາມໃຫ້ແກ່ກຸ່ມຕົວຢ່າງ ໂດຍໃຊ້ວັກຊີນທີ່ກຳລັງແຈກຍາຍຢູ່ໃນອັງກິດໄດ້ແກ່: ໄຟເຊີ/ໄບໂອເອັນເທດ, ແອສຕຣາເຊເນກາ ແລະ ໂມເດີນາ.

ໃນຂະນະທີ່ລັດຖະບານອັງກິດບໍ່ມີຄວາມຄິດເຫັນຢ່າງເປັນທາງການ. ຕໍ່ລາຍງານຂອງໜັງສືພິມ The Times, ປັດຈຸບັນ ປະເທດແຫ່ງນີ້ມີປະຊາກອນປະມານ 67 ລ້ານຄົນ ມີຜູ້ຮັບວັກຊີນປ້ອງກັນໂຣກໂຄວິດ-19 ຢ່າງນ້ອຍ 1 ໂດສແລ້ວຫຼາຍກວ່າ 34,6 ລ້ານຄົນ ແລະ ໄດ້ມີການສັ່ງຈອງວັກຊີນຫຼາຍກວ່າ 510 ລ້ານໂດສ ຈາກບໍລິສັດຢ່າງນ້ອຍ 8 ແຫ່ງ ເຊິ່ງໄດ້ເຮັດສັນຍາລ່ວງຫນ້າກັບບັນດາບໍລິສັດທີ່ຍັງບໍ່ທັນເອົາຜະລິດຕະພັນດັ່ງກ່າວມາພິຈາລະນາໂດຍພະແນກສາທາລະນະສຸກອັງກິດ.

ຮຽບຮຽງຂ່າວ: ພຸດສະດີ