ສໍານັກຂ່າວ BBC ຂອງຕ່າງປະເທດໄດ້ລາຍງານວ່າ: Facebook ທີ່ເປັນສື່ອອນລາຍທີ່ໃຫຍ່ໄດ້ປະກາດວ່າຈະເປີດໂຕຟີເຈີໃໝ່ໆໃນເຟສບຸກ ລວມໄປເຖິງ Live Audio Rooms ທີ່ທຽບເທົ່າ Application ຍອດຮິດ Clubhouse ທີ່ເຮັດໃຫ້ຜູ້ຄົນສາມາດຟັງ ແລະ ຮ່ວມສົນທະນາຢູ່ໃນກຸ່ມນັ້ນ ແລະ ໄດ້ຮັບຄວາມນິຍົມຫຼາຍໃນທ່າມກາງສະຖານະການການລະບາດຂອງໂຄວິດ-19.

ນອກຈາກນີ້ເຟສບຸກຍັງຈະໄດ້ເປີດໂຕ Soundbites ເຊິ່ງຜູ້ໃຊ້ສາມາດສ້າງ, ແຊຣຄິບສຽງສັ້ນໆ ແລະ ຜູ້ໃຊ້ເຟສບຸກຍັງສາມາດສ້າງລາຍຮັບໄດ້ຈາກ Live Audio Rooms ແລະ Soundbite ໄດ້ອີກດ້ວຍ.

Live Audio Rooms ຈະເປີດໃຫ້ບໍລິການໃນອີກ 2-3 ເດືອນຂ້າງໜ້າ ໂດຍຈະມີຜູ້ຜະລິດຄອນເທັນອອນລາຍເປັນຄົນທີ່ທົດລອງໃຊ້ງານກ່ອນ ແຕ່ກໍຍັງບໍ່ທັນມີຄວາມຊັດເຈນວ່າຟີເຈີດັ່ງກ່າວຈະເປີດໃຫ້ຄົນທົ່ວໄປໃຊ້ໄດ້ຫຼືບໍ່ ຫຼື ບາງທີອາດໃຫ້ບໍລິການສະເພາະຜູ້ທີ່ຜະລິດສື່ຄອນເທັນອອນລາຍທີ່ມີຜູ້ຕິດຕາມຈໍານວນຫຼາຍເທົ່ານັ້ນ, ເຊິ່ງ Mark Zuckerberg ຜູ້ກໍ່ຕັ້ງເຟສບຸກໄດ້ປະກາດແຜນດັ່ງກ່າວໃນວັນຈັນ ທີ 19 ເມສາ 2021 ທີ່ຜ່ານມາ.