ປະເທດອັງກິດແນະນຳປະຊາຊົນອາຍຸຕ່ຳກວ່າ 30 ປີ ຫຼີກລ້ຽງການສັກວັກຊີນໂຄວິດ-19 ແອສຕຣ້າເຊນເນກ້າ ເຊິ່ງຍອມວ່າຮັບເຊື່ອມໂຍງພາວະເລືອດອຸດຕັນ.
ໜ່ວຍງານດ້ານຢາຂອງປະເທດອັງກິດ ໄດ້ອອກຄຳເຕືອນກ່ຽວກັບການຊີດວັກຊີນປ້ອງກັນໂຄວິດ-19 ຂອງແອສຕຣ້າເຊນເນກ້າ ໂດຍຍອມຮັບວ່າມີຄວາມເຊື່ອມໂຍງກັບພາວະເລືອດອຸດຕັນ ດ້ວຍເຫດນີ້ ອັງກິດຈື່ງຈຳກັດການນຳໃຊ້ວັກຊີນດັ່ງກ່າວໃຫ້ກັບເດັກນ້ອຍ.
ສຳນັກງານກຳກັບດູແລດ້ານການແພດ ແລະ ສາທາລະນະສຸກ (HMRA) ເປີດເຜີຍວ່າ ອັງກິດໄດ້ແນະນຳໃຫ້ຜູ້ທີ່ອາຍຸຕ່ຳກວ່າ 30 ປິີ ຮັບວັກຊີນຕົວອື່ນແທນໃນກໍລະນີທີ່ມີໃຫ້ໃຊ້.
ສຳລັບຄຳເຕືອນທີ່ອອກມານັ້ນເປັນບັນນຫາຫຼ້າສຸດກ່ຽວກັບວັກຊີນແອສຕຣ້າເຊນເນກ້າທີິ່ພັດທະນາຮ່ວມກັບມາຫາວິທະຍາໄລອັອກຟອດ ແລະ ຍັງຄົງເປັນອຸປະສັກໃນການນຳວັກຊີນອອກໃຊ້ງານທົ່ວໂລກ ເຖິ່ງວ່າຈະມີການຢືນຢັນຈາກໜ່ວຍງານທີ່ກ່ຽວຂ້ອງວ່າ ປະໂຫຍດຂອງຢາວັກຊີນສູງກວ່າຄວາມສ່ຽງກໍ່ຕາມ ຂະນະທີ່ໂອກາດຂອງການເກີດພາວະເລືອດອຸດຕັນນັ້ນໜ້ອຍສຸດ ແລະ ການສັກວັກຊີນດັງກ່າວຍັງຄົງເປັນເຄື່ອງມືທີ່ມີປະສິດທິພາບໃນການຕໍ່ສູ້ກັບ COVID-19
ສ່ວນໃນສະຫະພາບເອີຣົບ (EU) ນັ້ນ ອົງການຢາເອີຣົບ (EMA) ປະກາດການປະເມີນຄວາມປອດໄພຂອງຢາວັກຊິນ COVID-19. ຂອງແອສຕຣ້າເຊນເນກ້າ ໂດຍລະບຸວ່າ ການໃຊ້ວັກຊີນຕ້ານໄວຣັດໂຄວິດ-19 ແລະ ການເກີດພາວະເລືອດອຸດຕັນໃນຜູ້ໃຫຍ່ໄດ້ຮັບວັກຊີນດັງກ່າວມີຄວາມເຊື່ອມໂຍງກັນ.
ເຖິງຢ່າງໃດກໍ່ຕາມ ຖະແຫຼງການດັ່ງກ່າວມີຂື້ນຫຼັງຈາກທີ່ EMA ໄດ້ກວດກາທີ່ມີຢູ່ໃນປັດຈຸບັນຂອງພະຍາດກໍລະນີການເກີດເລືອດທີ່ຜິດປົກກະຕິໃນຮ່າງກາຍຂອງຜູ້ທີ່ໄດ້ຮັບວັກຊີນຂອງແອສຕຣ້າເຊນເນກ້າບາງຄົນ.
ຮຽບຮຽງຂ່າວ:ພຸດສະດີ