ເກົາຫຼີເໜືອມື້ນີ້ (ວັນທີ 6 ເມສາ 2021) ເປີດເຜີຍວ່າ: ຈະບໍ່ເຂົ້າຮ່ວມໃນງານມະຫາກຳກິລາໂອລິມປິກທີ່ຍີ່ປຸ່ນໃນລະດູຮ້ອນນີ້ເພື່ອປົກປ້ອງນັກກິລາຈາກໂຄວິດ-19.
ເວັບໄຊທ໌ກິລາຂອງເກົາຫຼີ ໜືອ ເປີດເຜີຍວ່າ ການຕັດສິນໃຈໃນຄັ້ງນີ້ມີຂຶ້ນພາຍຫຼັງຈາກຄະນະກຳມະການໂອລິມປິກເກົາຫຼີເໜືອ ໄດ້ພົບປະກັນຢູ່ນະ ຄອນຫຼວງພຽງຢາງໃນວັນທີ 25 ມີນາຜ່ານມາ. ກ່ອນໜ້ານີ້, ຜູ້ນຳເກົາຫຼີເໜືອ ທ່ານ ຄິມ ຈອງ ອຶນ ໄດ້ສະແດງຄວາມຕັ້ງໃຈທີ່ຈະສົ່ງນັກກິລາເກົາຫຼີ ເໜືອ ເຂົ້າຮ່ວມການແຂ່ງຂັນກິລາໂອລິມປິກໂຕກຽວ 2020, ເຊິ່ງຖືກເລື່ອນໄປໃນປີນີ້ຍ້ອນການລະບາດຂອງໂຄວິດ-19.
ເວບໄຊທ໌ດັ່ງກ່າວໄດ້ເປີດເຜີຍວ່າ ເກົາຫຼີເໜືອຈະບໍ່ແຂ່ງຂັນໃນງານມະຫະກຳກິລາໂອລິມປິກທີ່ໂຕກຽວ ເພື່ອປົກປ້ອງນັກກິລາເກົາຫຼີເໜືອ ຈາກ ໂຄວິດ-19. ເຊິ່ງແມ່ນວິກິດການສຸຂະພາບທົ່ວໂລກ.
ຮຽບຮຽງຂ່າວ: ພຸດສະດີ