ທ່ານ ໂຈໂຄ ວິໂດໂດ, ປະທານາທິບໍດີອິນໂດເນເຊຍ ໄດ້ຮຽກຮ້ອງໃນວັນສຸກ (19 ມີນາ) ເພື່ອຈັດຕັ້ງບັນດາຜູ້ນຳສະມາຄົມອາຊຽນເພື່ອສົນທະນາກ່ຽວກັບການແກ້ໄຂວິກິດການໃນມຽນມາ.
ທ່ານ ໂຈໂຄ ວິໂດໂດ ຍັງຮຽກຮ້ອງໃຫ້ມຽນມາກັບຄືນສູ່ປະຊາທິປະໄຕແລະຟື້ນຟູສະຖຽນລະພາບໃນປະເທດ ແລະ ທີ່ສຳຄັນຕ້ອງຢຸດຄວາມຮຸນແຮງທັນທີ. ຜູ້ນຳອິນໂດເນເຊຍຍັງກ່າວວ່າທ່ານຈະປຶກສາຫາລືກັບກະສັດ Hassanal Bogeyah ແຫ່ງບຣູໄນເຊິ່ງປະຈຸບັນເປັນປະທານອາຊຽນ ເພື່ອປຶກສາຫາລືຄວາມເປັນໄປໄດ້ໃນການຈັດກອງປະຊຸມສຸດຍອດອາຊຽນ.
ວັນທີ 2 ມີນາ ທີ່ຜ່ານມາ, ລັດຖະມົນຕີຕ່າງປະເທດອາຊຽນໄດ້ໂອ້ລົມທາງອິນເຕີເນັດ, ເຊິ່ງຜູ້ຕາງໜ້າມຽນມາທ່ານ Wanna Haemalun, ມຽນມາແຕ່ງຕັ້ງພາຍຫຼັງເກີດລັດຖະປະຫານ, ກໍ່ໄດ້ເຂົ້າຮ່ວມກອງປະຊຸມກອງປະຊຸມໄດ້ຮຽກຮ້ອງໃຫ້ກອງທັບມຽນມາຢຸດການໃຊ້ຄວາມຮຸນແຮງ ແລະ ເຄົາລົບຄວາມຕ້ອງການຂອງປະຊາຊົນ.
ສະມາຄົມຊ່ວຍເຫຼືອນັກໂທດການເມືອງເປີດເຜີຍວ່າ: ໃນຫຼາຍອາທິດຜ່ານມາ, ມີຜູ້ປະທ້ວງເສຍຊີວິດ 224 ຄົນຍ້ອນການຍຸບເລີກການປະທ້ວງຫຼັງຈາກການກໍ່ລັດຖະປະຫານຢູ່ມຽນມາ.
ຮຽບຮຽງຂ່າວ: ພຸດສະດີ