ສຳນັກຂ່າວ NPR ລາຍງານໃຫ້ຮູ້ວ່າ ເມື່ອວັນທີ 28 ກຸມພາ 2021 ກອງກຳລັງຄວາມໝັ້ນຄົງມຽນມາຍິງປືນໃສ່ກຸ່ມຜູ້ປະທ້ວງຕໍ່ຕ້ານລັດຖະບານທະຫານໃນຫຼາຍເມືອງ ເຮັດໃຫ້ມີຜູ້ເສຍຊີວິດ 18 ຄົນ ແລະ ຈັບກຸມຕົວຜູ້ປະທ້ວງແລ້ວຫຼາຍກວ່າ 850 ຄົນ.
ເມື່ອວັນທີ 28 ກຸມພາ 2021 ເກີດເຫດການນອງເລືອດໃນມຽນມາຄັ້ງໃຫຍ່ທີ່ສຸດ ນັບຕັ້ງແຕ່ເກີດລັດຖະປະຫານເມື່ອວັນທີ 1 ມີນາ 2021 ເມື່ອຕຳຫຼວດປາບປາມຈາລະຈົນໃຊ້ແກ໊ສນໍ້າຕາ, ປືນຢາງ ແລະ ປືນແທ້ຍິງສະຫຼາຍຜູ້ຊຸມນຸມປະທ້ວງກັນໃນເມືອງໃຫຍ່ຫຼາຍເມືອງຂອງປະເທດ ທັງນະຄອນຢາງກຸ້ງ, ມັນທະເລ ແລະ ເມືອງທວາຍ ເຮັດໃຫ້ມີຜູ້ເສຍຊີວິດເພີ່ມຢ່າງໜ້ອຍ 18 ຄົນ,ມີຜູ້ບາດເຈັບ 30 ຄົນ ພາຍວັນດຽວ. ໂດຍກອງທັບມຽນມາສົ່ງກຳລັງທະຫານເຂົ້າມາເສີມກຳລັງຕຳຫຼວດເພື່ອປາບປາມຜູ້ຊຸມນຸມຕ້ານລັດຖະປະຫານຢ່າງສະຫງົບດ້ວຍການໃຊ້ມາດຕະການຜະເດັດການ ທີ່ບໍ່ມີທ່າທີຈະເຊື່ອຟັງເລີຍ.
ສຳນັກຂ່າວຣອຍເຕີລາຍງານວ່າ ຕຳຫຼວດມຽນມາໄດ້ໃຊ້ລູກປືນແທ້ຍິງໃສ່ກຸ່ມຜູ້ປະທ້ວງທີ່ເມືອງທວາຍ ທາງພາກໃຕ້ ເຮັດໃຫ້ມີຜູ້ເສຍຊີວິດ 3 ຄົນ ບາດເຈັບຫຼາຍຄົນ ນອກຈາກນັ້ນຍັງມີຜູ້ຊຸມນຸມຖືກຕຳຫຼວດຍິງດ້ວຍລູກປືນແທ້ເສຍຊີວິດທີ່ມັດທະເລອີກ 2 ຄົນ ແລະ ກ່ອນໜ້ານີ້ມີຜູ້ເສຍຊີວິດໃນເມືອງຢາງກຸ້ມ 4 ຄົນ ລວມທັງມີຜູ້ປະທ້ວງຖືກຍິງເສຍຊີວິດໃນເມືອງ ພະໂຄ, ເມືອງມະຣິດ ແລະ ເມືອງປະໂຄະກູອີກດ້ວຍ ຂະນະທີ່ມີຜູ້ຖືກຄວບຄຸມຕົວທົ່ວປະເທດແລ້ວຫຼາຍກວ່າ 580 ຄົນ.
ຮຽບຮຽງຂ່າວ: ພຸດສະດີ